मुंबई: राज्यात ७०० ठिकाणी ‘बाळासाहेब ठाकरे आपला दवाखाना’

या दवाखान्यांसाठी वैद्यकीय अधिकारी व इतर कर्मचारी, औषधे, चाचण्या, संगणकीय सामुग्री, ५०० चौरस फूट जागा आणि फर्निचर तसेच वैद्यकीय अधिकारी, अधिपरिचारिका, औषध निर्माण अधिकारी, सफाई कर्मचारी व अटेंडंट देखील उपलब्ध करून देण्यात येणार आहेत. या दवाखान्यांमधून ३० प्रकारच्या चाचण्या करण्यात येतील. दवाखान्याची वेळ दुपारी २ ते रात्री १० अशी असेल.

नऊ नवीन शासकीय वैद्यकीय महाविद्यालये

राज्यातील नऊ जिल्ह्यांमध्ये नवीन शासकीय वैद्यकीय महाविद्यालये व त्यांना संलग्न ४३० खाटांचे रुग्णालय सुरु करण्यात येणार आहे.पालघर, ठाणे , जालना, अमरावती, बुलढाणा, वाशिम, वर्धा, भंडारा आणि गडचिरोली या शासकीय वैद्यकीय महाविद्यालय नसणाऱ्या जिल्ह्यांमध्ये प्रत्येकी १०० विद्यार्थी प्रवेश क्षमतेचे नवीन वैद्यकीय महाविद्यालय सुरू करण्यात येईल. यासाठी ४ हजार ३६५ कोटी रुपये खर्च अपेक्षित आहे.