मुंबई : वांद्रे पूर्व येथील निर्मलनगर म्हाडा अभिन्यासाचा पुनर्विकास खासगी विकासकाच्या माध्यमातून करण्यात येत आहे. यात येथील संक्रमण शिबिरातील इमारत क्रमांक ९ आणि १० चाही समावेश आहे. त्यामुळे या इमारतीतील संक्रमण शिबिरार्थिंना गोरेगाव आणि अन्य ठिकाणच्या संक्रमण शिबिरातील गाळे देण्यात आले आहेत. मात्र या ठिकाण जाण्यास या इमारतींतील ८० संक्रमण शिबिरार्थी कुटुंबांनी नकार देत न्यायालयात धाव घेतली. सर्वोच्च न्यायालयात हे प्रकरण प्रलंबित आहे. असे असताना दोन दिवसांपूर्वी म्हाडाच्या मुंबई इमारत दुरूस्ती आणि पुनर्रचना मंडळाने पोलीस बंदोबस्तात या इमारतीतील कुटुंबांना घराबाहेर काढले. मंडळाच्या या कारवाईला काही कुटुंबांनी विरोध केला असून सध्या २०-२५ कुटुंबांनी निर्मलनगर येथील रस्त्यावरच संसार मांडला आहे. आम्ही ४० वर्षांहून अधिक काळ येथे राहत असून आम्ही उपकरप्राप्त इमारतीतील मूळ भाडेकरू आहोत, घुसखोर नाही असा मुद्दा उपस्थित करीत या कुटुंबांनी आक्रमक भूमिका घेतली आहे. सर्व संक्रमण शिबिरार्थ्यींना निर्मलनगर पुनर्विकासाअंतर्गत निर्मलनगरमध्येच ५५० चौरस फुटांची कायमस्वरुपी घरे द्यावी अशी मागणी त्यांनी केली आहे.
हजारपेक्षा जास्त प्रीमियम लेखांचा आस्‍वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
