चिंचपोकळी येथे एका भरधाव वेगाने जाणाऱ्या बेस्ट बसने धडक दिल्याने एका वृद्ध महिलेचा जागीच मृत्यू झाला.  मंगळवारी रात्री साडेनऊच्या सुमारास सविता परब (६२) चिंचपोकळी येथील ना. म. जोशी मार्गावरून जात होत्या. त्या वेळी तेथून भरधाव वेगाने जाणाऱ्या बेस्ट बसने त्यांना जोरदार धडक दिली. या अपघातात परब यांच्या खांद्याला आणि डोक्याला मार बसला. त्यांना त्वरित उपचारासाठी केईएम रुग्णालयात दाखल करण्यात आले. उपचारादरम्यान त्यांचा मृत्यू झाला. आग्रीपाडा पोलिसांनी बेस्ट बस चालक भगवान रोकडे (३४) याला अटक केली आहे.