पदव्युत्तरपर्यंतच्या विद्यार्थ्यांना ५०० रुपयांत बेस्टचा मासिक पास ; अंमलबजावणी सोमवारपासून

उपक्रमाने दिलेल्या माहितीनुसार, मासिक बस पासबरोबरच तिमाही बसपास १५०० रुपये आणि अर्धवार्षिक बसपास २५०० रुपये इतक्या किमतीला उपलब्ध होणार आहे. या योजनेअंतर्गत बारावी पर्यंतचे शिक्षण घेणाऱ्या विद्यार्थ्यांना ६४९ रुपये किमतीचा १०० बस फेऱ्यांचा बसपास ३५० रुपये सवलतीच्या दरात मिळणार आहे. तर १०५० रुपयांचा तिमाही बसपास आणि अर्धवार्षिक मुदतीचा १७५० रुपयांत मिळेल. या सवलतीची अंमलबजावणी येत्या सोमवारपासून (२२ ऑगस्ट) होणार आहे. बेस्टच्या चलो अँपच्या माध्यमातूनही विद्यार्थी अर्ज करू शकतात किंवा जवळच्या आगारात जाऊन स्मार्ट कार्ड घेऊ शकतात. सध्या दहावीपर्यंतचे शिक्षण घेणाऱ्या विदयार्थ्यांसाठीच फक्त सवलतीत बसपास उपलब्ध आहेत.