‘बेस्ट’च्या आगारांमध्ये आता पार्किंगची व्यवस्था

‘बेस्ट’च्या परिवहन विभागाला असलेला आर्थिक तोटा भरून काढण्यासाठी प्रशासनाने एक नामी शक्कल लढवली आहे. मुंबईभर असलेल्या बेस्टच्या २६ आगारांच्या जमिनीचा वापर दिवसा पार्किंगसाठी करून बेस्ट प्रशासन अतिरिक्त महसूल गोळा करण्याच्या विचारात आहे. याबाबतचा प्रस्ताव बेस्ट समितीच्या मंजुरीसाठी पाठवण्यात आला असून समितीची मंजुरी मिळाल्यानंतर ही जागा खासगी वाहनांना पार्किंगसाठी उपलब्ध होऊ शकणार आहे.
मुंबई शहर आणि उपनगरांत बेस्टची २६ आगारे आहेत. या आगारांमधील बहुतांश बसगाडय़ा दिवसभर मुंबईच्या रस्त्यांवर धावत असतात. अशा वेळी आगारातील मोकळ्या जागेचा वापर करून उत्पन्न मिळवण्यासाठी बेस्ट प्रशासनाने ही योजना आखली आहे. या आगारांमधील जागा खासगी वाहनांना पार्किंगसाठी देण्यास कंत्राटदारांना कंत्राट देण्यात येईल. कंत्राटदारांनी प्रत्येक आगारात २० दुचाकी, १० चारचाकी आणि पाच अवजड वाहने उभी करण्यासाठीची परवानगी मागितली आहे. आगारात पार्किंगच्या प्रस्तावाल मंजुरी मिळाल्यास महिन्याचे ठराविक भाडे घेण्याची योजनाही आहे.
बेस्टच्या बसगाडय़ा किमान १२ तास रस्त्यावर असल्याने आगारातील पार्किंग व्यवस्था १२ तासांसाठी असेल. त्यासाठी ठरवून दिलेल्या गाडय़ांनाच आगारात पार्किंगसाठी प्रवेश दिला जाईल. त्यामुळे सुरक्षेच्या दृष्टीने अडचण येणार नाही. आगारातील पार्किंगसाठीचे दरपत्रकही ठरवून देण्यात आले आहे.

आणखी वाचा

बाबासाहेब आंबेडकर आंतरराष्ट्रीय विमानतळ उपराजधानीत १२ महिन्यात ११ हजार ८६९ विमाने उतरली

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

‘महाकुंभ’साठीच्या दर ‘भरारी’चे नियंत्रण करण्याची मागणी, विमान कंपन्यांच्या भाडेवाढीविरुद्ध ग्राहक पंचायत आक्रमक

वाणगाव ते डहाणू रोडदरम्यान ब्लॉक; पश्चिम रेल्वेवरील काही रेल्वेगाड्या रद्द

वागळे इस्टेटमध्ये नाल्यावर स्लॅब टाकून रस्त्याचे बांधकाम

तीर्थक्षेत्र दर्शनासाठी राज्याला अतिरिक्त रेल्वे गाड्यांची प्रतीक्षा; कुंभमेळ्यामुळे गाड्यांची कमतरता

गोराई कचराभूमीवर लवकरच पर्यटनस्थळ; केंद्रीय मंत्री पियुष गोयल यांच्या घोषणेनंतर पालिका प्रशासनाचा विचार विनिमय सुरू

Parking Issiue in Maharashtra: महाराष्ट्रातल्या पार्किंगच्या समस्येवर जपानी तोडगा! प्रस्तावित प्रणालीमध्ये वाहन नोंदणीपासून अतिरिक्त शुल्काचाही समावेश