Budget 2021: “बळ पंखांना दिले हे, घे भरारी आकांक्षांची”

“कोरोना संकट, त्यामुळे ढासळलेली अर्थव्यवस्था, त्यातून निर्माण झालेले प्रश्न या पार्श्वभूमीवर आरोग्य, उद्योग आणि शेती, पायाभूत सोयीसुविधा या घटकांवर विशेष लक्ष देण्याची गरज लक्षात घेत अर्थसंकल्पात तरतुदी केल्या आहेत. त्यामुळे नव्या दशकाचा पहिला अर्थसंकल्प हा खूपच आश्वासक असून सर्वांनाच नवी उमेद देणारा आहे”, असे उपाध्ये म्हणाले.

“पाच ट्रिलियन डॉलर अर्थव्यवस्थेकडे जाण्यासाठी केलेल्या १३ क्षेत्रांची निवड करत पाच वर्षात १ लाख ९ कोटी रूपये खर्च करण्याची तयारी, आरोग्य क्षेत्राच्या बजेटमध्ये घसघशीत वाढ २.३८ लाख कोटी रुपयांची तरतूद, शेतकऱ्यांना दीडपड उत्पादन खर्चाच्या हमीभाव देणे, उज्ज्वला योजनेचा विस्तार करत एक कोटी लाभार्थ्यांचा सहभाग, रस्ते व रेल्वेच्या पायाभूत सुविधांसाठी रोड प्लॅन २०३०, उद्योगांना उभारी देण्यासाठी तरतूद, रोजगार निर्माणासाठी भरभक्कम पावले हे अधोरेखित करणारे निर्णय या अर्थसंकल्पात घेण्यात आले आहेत. टेक्सटाईल पार्क्समुळे शेतकऱ्यांना मदत होईलच पण त्यामुळे रोजगारातही वाढ होईल. त्याशिवाय निर्यातीला देण्यात आलेल्या प्रोत्साहनामुळे आत्मनिर्भर भारत निर्माणाच्या दिशेने होणारी वाटचाल वेगाने होईल”, असे काही महत्त्वाचे मुद्दे त्यांनी नमूद करत त्याचे फायदे अधोरेखित केले.