मध्य, हार्बर मार्गावर उद्या ‘ब्लॉक’

मध्य रेल्वे :

कुठे : ठाणे ते कल्याण अप आणि डाऊन पाचव्या – सहाव्या मार्गिकेवर

कधी : सकाळी ९ ते दुपारी १ वाजेपर्यंत

परिणाम : या ब्लॉकदरम्यान पुणे – मुंबई प्रगती एक्स्प्रेस कर्जत – कल्याण मार्गे वळविण्यात येणार आहे. तसेच सर्व अप – डाऊन मार्गावर मेल एक्स्प्रेस कल्याण आणि ठाणे स्थानकांदरम्यान अप फास्ट मार्गावर वळवण्यात येणार आहे. या मेल, एक्स्प्रेस नियोजित वेळेनुसार १०-१५ मिनिटे उशिरा पोहचणार आहेत. वसई रोड येथून सकाळी ९.५० वाजता दिव्यासाठी सुटणारी मेमू कोपर येथे अंशत: रद्द करण्यात येईल. दिवा येथून सकाळी ११.३० वाजता वसई रोडला जाणारी मेमू दिव्याऐवजी कोपर येथून सकाळी ११.४५ वाजता चालवण्यात येईल.

हार्बर रेल्वे

कुठे : कुर्ला ते वाशी अप आणि डाऊन हार्बर मार्गावर

कधी : सकाळी ११.१० ते दुपारी ४.१० वाजेपर्यंत

परिणाम : ब्लॉक कालावधीत सीएसएमटी येथून पनवेल / बेलापूर / वाशीला जाणाऱ्या हार्बर मार्गावरील सेवा आणि वाशी / बेलापूर / पनवेल येथून सीएसएमटीकडे जाणाऱ्या अप – डाऊन हार्बर मार्गावरील सेवा रद्द राहतील. ब्लॉक कालावधीत सीएसएमटी – कुर्ला आणि पनवेल – वाशी यादरम्यान विशेष लोकल चालवण्यात येतील.

पश्चिम रेल्वे

कुठे : बोरिवली ते भाईंदर अप आणि डाऊन जलद मार्गावर

कधी : शनिवारी रात्री ११.४५ ते पहाटे ४.४५ वाजेपर्यंत

परिणाम : या ब्लॉक कालावधीत अप आणि डाऊन जलद मार्गावरील लोकल सेवा विरार ते वसई रोड स्थानकांदरम्यान अप आणि डाऊन धीम्या मार्गावर वळविण्यात येणार आहेत. या ब्लॉकमुळे अप आणि डाऊन दिशेच्या काही लोकल रद्द तर, काही अंशत: रद्द राहतील. रविवारी दिवसा मेगाब्लॉक नाही.