बेकायदा अटक-सीबीआय कोठडीला आव्हान : याचिकेवरील तातडीच्या सुनावणी घ्या ; कोचर दाम्पत्याची मागणी उच्च न्यायालयाकडून मान्य

सीबीआयने केलेली अटक बेकायदा असल्याचा दावा करून कोचर दाम्पत्याने त्याविरोधात गेल्या आठवड्यात उच्च न्यायालयात धाव घेतली होती. तसेच त्यांच्या याचिकेवर तातडीच्या सुनावणीची मागणी केली होती. मात्र उच्च न्यायालयाच्या सुट्टीकालीन खंडपीठाने कोचर दाम्पत्याच्या याचिकेवर तातडीने सुनावणी घेण्यास नकार दिला होता.

आणखी वाचा

सीए’ अभ्यासक्रमाच्या परीक्षेचा निकाल जाहीर, ११ हजार ५०० विद्यार्थी ‘सीए’ म्हणून पात्र

कोकण मार्गावरून विशेष रेल्वेगाडी

फेअर प्ले बेटिंग अ‍ॅप आयपीएल बेकायदा प्रक्षेपण प्रकरण: ईडीकडून आतापर्यंत ३३५ कोटी रुपयांच्या मालमत्तेवर टाच

निर्मलनगर पुनर्विकासातच कायमस्वरुपी घरे द्या संक्रमण शिबिरार्थी ठाम, किती वर्षे संक्रमण शिबिरार्थी म्हणून राहायचे, रहिवाशांचा सवाल

डॉक्टरांविरोधातील तक्रारींचा निपटारा करण्यात एमएमसीला यश, तक्रारींची संख्या १,७०० वरून ६०० वर

अबुधाबीहून मुंबईत येणाऱ्या विमानात प्रवाशाकडून धुम्रपान, सहार पोलीस ठाण्यात गुन्हा दाखल

म्हाडा उपाध्यक्षांच्या दालनात पुन्हा धक्काबुक्की, खेरवाडी पोलीस ठाण्यात गुन्हा दाखल

विविध सेवा विनाविलंब उपलब्ध करा; मुख्यमंत्री फडणवीस यांची सूचना; जिल्हा सुशासन निर्देशांक अहवालाचे प्रकाशन

चित्रीकरण परवानगीसाठी एक खिडकी योजना; आशीष शेलार यांचे निर्देश

हेही वाचा >>> विश्लेषण: चंदा कोचर यांच्यासाठी पती दीपक कोचर आणि व्हिडिओकॉन कसे ठरले डोकेदुखी? काय आहे 3250 कोटींच्या कर्जाचं प्रकरण?

न्यायमूर्ती रेवती डेरे आणि न्यायमूर्ती पृथ्वीराज चव्हाण यांच्या खंडपीठासमोर कोचर दाम्पत्याच्या याचिकेवर मंगळवारी सुनावणी झाली. त्यावेळी कोचर दाम्पत्याने न्यायालयीन कोठडी मिळाल्यावर नियमित जामिनासाठी अर्ज का केला नाही, अशी विचारणाही न्यायालयाने केली. त्यावर कोचर दाम्पत्याने अटक आणि विशेष न्यायालयाने सुनावलेल्या कोठडीला आव्हान दिले आहे. तसेच अटक बेकायदा ठरवून त्यांची कारागृहातून तातडीने सुटका करण्याची मागणी केल्याचे कोचर दाम्पत्यातर्फे न्यायालयाला सांगितले. शिवाय पुढील आठवड्यात कोचर यांच्या मुलाचे लग्न असल्याचेही कोचर दाम्पत्याच्या वतीने वरिष्ठ अधिवक्ता अमित देसाई आणि विक्रम चौधरी यांनी न्यायालयाला सांगितले. सीबीआयने दाखल केलेल्या गुन्ह्याच्या आधारे अंमलबजावणी संचालनालयाने (ईडी) दाखल केलेल्या प्रकरणात चंदा कोचर यांना अटक न करण्याची हमी सर्वोच्च न्यायालयात देण्यात आली होती. या पार्श्वभूमीवर कोचर यांची याचिका निकाली निघेपर्यंत त्यांच्या अंतरिम सुटकेचे आदेश देण्याची मागणी कोचर दाम्पत्याकडून न्यायालयाकडे करण्यात आली.

हेही वाचा >>> अग्रलेख : नवा दहशतवाद!

दुसरीकडे कोचर दाम्पत्याच्या याचिकेवर उत्तर दाखल करण्यासाठी सीबीआयच्या वतीने वरिष्ठ अधिवक्ता राजा ठाकरे यांनी वेळ मागितला. न्यायालयाने सीबीआयला त्यासाठी शुक्रवारपर्यंत वेळ देऊन प्रकरणाची सुनावणीही त्याच दिवशी ठेवली.

धूत यांचेही अटकेला आव्हान

या प्रकरणी व्हिडीओकॉन समुहाचे सर्वेसर्वा वेणूगोपाळ धूत यांनीही सीबीआयने त्यांना केलेल्या अटकेला विशेष न्यायालयात आव्हान दिले. तपास अधिकाऱ्यांनी दबावाखाली त्यांना अटक केल्याचा दावा धूत यांनी केला आहे. तसेच त्यांना केलेली अटक बेकायदा ठरवण्याची मागणी केली आहे.