विवाहनोंदणी संकेतस्थळाच्या माध्यमातून ओळख करून महिलांचं लैंगिक शोषण; आरोपीला जामीन देण्यास उच्च न्यायालयाचा नकार

हेही वाचा >>> बँक कर्मचाऱ्याकडून फसवणूक झालेल्या महिलेच्या खात्यात २.९ कोटी रुपये जमा; एचडीएफसी बँकेची उच्च न्यायालयात माहिती

आमच्यातील शारीरिक संबंध हे परस्पर सहमतीने होतो, असा दावा याचिकाकर्त्याच्या वतीने युक्तिवादाच्या वेळी करण्यात आला. तसेच, नातेसंबंधात असल्यामुळे त्यांच्यात अनेक वेळा शारीरिक संबंध प्रस्थापित झाल्याचेही त्याच्या वतीने न्यायालयाला सांगण्यात आले. तसेच, नातेसंबंधात दुरावा निर्माण झाल्याने लैंगिक अत्याचाराचे आरोप करून आपल्याला खोट्या प्रकरणात गोवण्यात आल्याचा दावाही याचिकाकर्त्याने केला होता.

हेही वाचा >>> दहिसरमधील रस्त्यांच्या सिमेंट कॉंक्रीटीकरण प्रकल्पाची आयआयटी मुंबईच्या चमूकडून पाहणी

तथापि, घटनेच्या २५ दिवस आधीच याचिकाकर्त्याने पीडितेच्या आईची भेट घेऊन आणि भ्रमणध्वनी क्रमांकाची देवाणघेवाण केली. त्यानंतर, लग्नाचे आमिष दाखवून याचिकाकर्त्याने पीडितेसह शारिरीक संबंध प्रस्थापित केले. त्याच्यावर या आधीही अशाच प्रकारे अन्य एका महिलेचे लैंगिक शोषण केल्याचा आरोप आहे. त्यामुळे, याचिकाकर्त्याला जामीन दिल्यास तो अशाच प्रकारे आणखी काही महिलांचे लैंगिक शोषण करू शकतो. म्हणून, त्याला जामीन देणे योग्य ठरणार नसल्याचे न्यायालाने जामीन अर्ज नाकारताना स्पष्ट केले.

प्रकरण काय ?

याचिकाकर्त्याने ३० सप्टेंबर २०२२ रोजी पीडितेला कांदिवली येथे बोलावले. मद्यपान आणि जेवण केल्यानंतर याचिकाकर्त्याने तिला दहिसर येथील एका लॉजवर नेले आणि तिच्या संमतीशिवाय तिच्याशी शारीरिक संबंध ठेवल्याचा त्याच्यावर आरोप आहे. दुसऱ्या दिवशी अर्जदाराने तिला पुन्हा गोरेगाव येथील दुसऱ्या लॉजवर नेऊन तिचे लैंगिक शोषण केले. त्यानंतर, याचिकाकर्त्याने पुन्हा तिचे लैंगिक शोषण करण्याचा प्रयत्न केला. मात्र, पीडिता तेथून पळून जाण्यात यशस्वी झाली. घरी परतल्यानंतर तिने घडला प्रकार बहिणीला सांगितला. त्यानंतर दोघींनी पोलिसांत जाऊन याचिकाकर्त्याविरोधात लैंगिक शोषणाची तक्रार केली.