मुंबईतील उड्डाणपुलांना बोगनवेलचा साज, मुंबईतील २० उड्डाणपुलांवर दोन हजार कुंड्यांतून बहरणार बोगनवेल

मुंबईतील प्रवाशांचा प्रवास सुखकर आणि नयनरम्य व्हावा यासाठी उद्यान विभागाने सर्वेक्षण करून २० उड्डाणपुलांची निवड केली आहे. उड्डाणपुलांची निवड करताना, तसेच दुभाजकांमध्ये बोगनवेलीची फुलझाडे लावल्यानंतर वाहतुकीस अडथळा होणार नाही, याची विशेष खबरदारी घेण्यात येणार आहे. त्यासाठी ज्या उड्डाणपुलांवरील दुभाजक अधिकाधिक रुंद असतील, अशाच पुलांची निवड केली आहे.

आणखी वाचा

लोहगावात साडेपाच हजार पोलिसांच्या घराचे स्वप्न लवकरच साकार

Devendra Fadnavis Income : उपमुख्यमंत्र्यांची एकूण संपत्ती किती?…

मुंबई विमानतळावरून पावणेतीन कोटींचे सोने जप्त, दोन कर्मचाऱ्यांना अटक

देशातील पक्ष्यांच्या संख्येत लक्षणीय घट; जाणून घ्या, मानवी चुका किती हानीकारक

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

पुणे: विधानसभा निवडणुकीच्या पार्श्वभूमीवर सराइतांकडून चार पिस्तुले जप्त, पोलिसांकडून तिघे अटकेत

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

मुख्यमंत्र्यांच्या मतदारसंघात काँग्रेसच्या बंडखोराला दोन ते तीन कोटी, काँग्रेसचे जिल्हाध्यक्ष विक्रांत चव्हाण यांचा गंभीर आरोप

हेही वाचा – मेट्रो ६ मार्गिकेतील आरे कारशेडच्या कामासाठी दोन निविदा सादर, लवकरच निविदा अंतिम करणार

बोगलवेलीची निवड का ?

वाहनधारकास उड्डाणपुलांवरील प्रवास प्रसंगी रुक्ष वाटू शकतो. तसेच उन्हाच्या झळादेखील उड्डाणपुलावर अधिक लागतात. त्यामुळे उद्यान विभागाने या पुलांवरील दुभाजक पाना-फुलांनी सजविण्याचा निर्णय घेतला आहे. जेणेकरून प्रवास सुसह्य होईल. विशेष म्हणजे बोगनवेल कमी पाण्यात वाढते आणि अधिक काळ टवटवीत राहते. त्यामुळे उद्यान विभागाने बोगनवेलीच्या पर्यायाची निवड केली आहे.

हेही वाचा – मध्यान्ह भोजनातील अंड्याला धार्मिक संघटनांचा विरोध, सरकारने घेतला ‘हा’ नवा निर्णय

या उड्डाणपुलांची निवड

के पूर्व विभागातील पश्चिम द्रुतगती महामार्ग, आर उत्तर विभागातील जोडरस्ता (लिंक रोड), एच पूर्व विभागातील वांद्रे कुर्ला संकुलाकडून (बीकेसी) वाकोल्याच्या दिशेला जाणारा उड्डाणपूल, वांद्रे पश्चिम विभागातील मीलन उड्डाणपूल, लालबाग उड्डाणपूल, मालाडमधील पश्चिम द्रुतगती महामार्ग, गोरेगावमधील पश्चिम द्रुतगती महामार्ग, बोरिवलीतील राष्ट्रीय उद्यान उड्डाणपूल, मागाठाणे उड्डाणपूल, सुधीर फडके उड्डाणपूल, कुर्ला येथील सांताक्रूझ-चेंबूर जोडरस्ता उड्डाणपूल, राजयोगिनी ब्रह्मकुमारी ब्रुजिंद्र दादीजी उड्डाणपूल (शीव पूल), नंदलाल डी. मेहता उड्डाणपूल (माटुंगा उड्डाणपूल), नाना जगन्नाथ शंकरशेट उड्डाणपूल (दादर उड्डाणपूल), एम पूर्व विभागातील पूर्व मुक्त मार्ग, गोरेगाव – मुलुंड जोडरस्ता उड्डाणपूल, शीव-पनवेल महामार्गावरील उड्डाणपूल, मुलुंडमधील पूर्व द्रुतगती महार्गावरील उड्डाणपूल, शीव – वांद्रे जोड रस्ता, स्वातंत्र्यवीर सावरकर मार्ग, घाटकोपरमध्ये पूर्व द्रुतगती महार्गावरील उड्डाणपूल, चेंबूरमध्ये पूर्व मुक्त मार्ग, सुमन नगर जंक्शन ते चंदननगर वाहतूक दिव्यांपर्यंतचा भाग.