Video : गेली १४ वर्ष कॅन्सरग्रस्त आणि त्यांच्या नातेवाईकांना आधार देणाऱ्या बुलबुल राय । गोष्ट असामान्यांची भाग ११

आपल्या समाजात असे अनेक लोक आहेत ज्यांना इतरांना मदत केल्यामुळे समाधान मिळतं. मग ती मदत कोणत्याही स्वरूपाची असो. अशीच एक गोष्ट आहे मुंबईच्या बुलबुल राय यांची. परेल येथील टाटा हॉस्पिटलमध्ये देशभरातून लोक कॅन्सरवर उपचार घेण्यासाठी येत असतात. परराज्यातून आलेल्या या रुग्णांची मुंबईत राहण्याची आणि खाण्या-पिण्याची मोठी गैरसोय होते. लोकांची ही गैरसोय बुलबुल राय यांना बघवली नाही आणि त्यांनी स्वतः अशा लोकांना मदत करायचं ठरवलं. गेली १४ वर्ष बुलबुल या कॅन्सरग्रस्तांना आणि त्यांच्या नातेवाईकांना मदत करत आहेत. ‘बुलबुल रॉय फाउंडेशन’द्वारे त्या कॅन्सरग्रस्त आणि त्यांच्या नातेवाईकांच्या राहण्याची आणि खाण्या-पिण्याची सोय करतात. चला तर मग या व्हिडीओच्या माध्यमातून जाणून घेऊया बुलबुल रॉय यांच्या या असामान्य कार्याबद्दल…