मुंबई मेट्रोच्या चौथ्या विस्तारीत मार्गाला मंत्रिमंडळाची मंजुरी

मुंबईसह उपनगात मेट्रोचे जाळे उभारण्यावर सरकारने भर दिला आहे. त्यामधील मेट्रो रेल्वे प्रकल्पाच्या वडाळा ते कासारवडवली या मार्गाचा गायमुखपर्यंत विस्तार करण्यास मुंबई महानगर प्रदेश विकास प्राधिकरणाच्या (एमएमआरडीए) बैठकीत मान्यता देण्यात आली होती. आज या विस्ताराला आज राज्य मंत्रिमंडळाच्या बैठकीत मंजूरी देण्यात आली आहे. वडाळा – घाटकोपर – मुलुंड – ठाणे – कासार वडवली मेट्रोच्या या प्रकल्पाला राज्य शासनाने यापूर्वीच मान्यता दिली आहे. मेट्रो-४ अ म्हणून ओळखल्या जाणाऱ्या या विस्तारित मार्गासाठी ९४९ कोटी रुपये खर्च अपेक्षित धरण्यात आला आहे.