केंद्र सरकारकडून मंकीपॉक्सच्या प्रादुर्भावाविषयी राज्यांना सूचना

हेही वाचा >>> कामा रुग्णालयात महिलांसाठी विशेष मूत्ररोगशास्त्र विभाग

चाचणीसाठी ठरवलेल्या प्रयोगशाळांची यादीही उपलब्ध करण्यात आली आहे. केंद्र सरकारने जारी केलेल्या निर्देशांमध्ये रुग्णालयीन व्यवस्थापन, रोग प्रतिबंधक उपाययोजना आणि जनजागृतीसाठी विशेष धोरणांचा समावेश करण्यात आला आहे. जागतिक आरोग्य संघटनेने १४ ऑगस्ट रोजी मंकीपॉक्स विषाणूचा प्रादुर्भाव आंतरराष्ट्रीय आरोग्य आणिबाणी म्हणून घोषित केली असल्याचे आरोग्य मंत्रालयातील सूत्रांनी स्पष्ट केले. २००५ च्या आंतरराष्ट्रीय आरोग्य नियमांनुसार भारत या घोषणेचा भाग आहे. राज्य सरकारांना आरोग्य सुविधांमध्ये तयारी करण्याचे आदेश देण्यात आले असून, वरिष्ठ अधिकाऱ्यांना राज्य व जिल्हा स्तरावर आढावा बैठक घेण्याबाबत निर्देश देण्यात आले आहेत. ‘मंकीपॉक्स क्लेड १’चे लक्षणे ‘क्लेड २’सारखीच असली तरी, ‘क्लेड १’मध्ये धोका अधिक असल्याचे आरोग्य मंत्रालयाने नमूद केले आहे.