मध्य रेल्वेच्या दादर स्थानकातील फलाटांचे आजपासून क्रमांक बदलले, फलाट क्रमांक ‘१०’ऐवजी ‘९ ए’ आणि फलाट क्रमांक ‘१० ए’ऐवजी ‘१०’

हेही वाचा : वैमानिक तरूणीची मुंबईत आत्महत्या, पवई पोलिसांनी केली मित्राला अटक

मध्य आणि पश्चिम रेल्वे या दोन विभागांना दादर स्थानक जोडले गेले आहे. दररोज या स्थानकातून सुमारे ५ लाख नागरिक प्रवास करत असतात. सर्वाधिक गर्दीच्या स्थानकांपैकी हे एक प्रमुख रेल्वे स्थानक आहे. या स्थानकातून दररोज ८०० लोकल आणि मेल-एक्स्प्रेस धावतात. मात्र दादर स्थानकातील प्रवाशांचा गोंधळ कमी करण्याच्या उद्देशाने फलाटांचे क्रमांक बदलण्यात आले. याआधीही डिसेंबर २०२३ मध्ये पश्चिम रेल्वेच्या फलाटांचे क्रमांक न बदलता, मध्य रेल्वेवरील १ ते ८ फलाटांचे क्रमांक अनुक्रमे ८ ते १४ असे करण्यात आले. मध्य आणि पश्चिम रेल्वेवरील फलाट क्रमांकावरून दररोज शेकडो प्रवाशांचा गोंधळ उडत होता. त्यामुळे अनेकांना लोकलसह लांबपल्ल्याच्या रेल्वे गाड्यांचे फलाट शोधून त्या ठिकाणी पोहोचेपर्यंत वेळ वाया जात होता. त्यामुळे या गोंधळातून मार्ग काढण्यासाठी फलाटांचे क्रमांक बदलण्यात आले होते.