मालगाडीतील बिघाडामुळे मध्य रेल्वेवरील सेवा विस्कळीत; सीएसटीच्या दिशेने जाणारी वाहतूक मंदावली!

नेरळ रेल्वे स्थानकात कल्याणच्या दिशेने जाणाऱ्या एका मालगाडीच्या इंजिनात बिघाड झाल्याने गुरुवारी सकाळी मध्यरेल्वेची वाहतूक विस्कळीत झाली.
कर्जतहून मुंबईच्या दिशेने जाणारी लोकल सेवा विस्कळीत झाली. जवळपास अर्धा तास हा बिघाड दुरुस्त करण्यासाठी लागला आणि त्यानंतर मालगाडी पुढे रवाना करण्यात आली. मात्र त्यामुळे सीएसएमटी दिशेने जाणाऱ्या लोकल अद्यापही दहा ते पंधरा मिनिटे उशिराने धावत आहेत. त्यामुळे लोकल गाड्यांना गर्दी होत आहे.