पतीच्या हत्येप्रकरणी महिलेवर आरोपपत्र, दररोज जेवणातून विष दिल्याचा ठपका

कमलकांत कपूरचंद शहा ४७ वर्षांच्या व्यावसायिकाच्या हत्येप्रकरणी डिसेंबर महिन्यात पत्नी कविता ऊर्फ काजल कमलकांत शहा आणि तिचा प्रियकर हितेश शांतीलाल जैन यांना गुन्हे शाखेच्या कक्ष-९च्या पोलिसांनी अटक केली होती. कविताची सासू सरला शहा यांचा १३ ऑगस्ट २०२२ रोजी मृत्यू झाला होता. तपासात आरोपींनी त्यांनाही अशा प्रकारे मारल्याचे निष्पन्न झाले. याबाबत तपासाचाही समावेश या आरोपपत्रात करण्यात आला आहे. जेवणातून या दोघांना अर्सेनिक आणि थेलियम धातू दिला जात होता, असे तपासात आढळून आले.