शीना बोरा हत्याप्रकरणी आरोपपत्र सादर

शीना बोरा हत्याप्रकरणी तिची आणि प्रकरणातील मुख्य आरोपी इंद्राणी मुखर्जी हिच्यासह तिचा माजी पती संजीव खन्ना आणि माजी चालक श्यामवर राय यांच्याविरोधात सीबीआयने गुरुवारी महानगरदंडाधिकारी न्यायालयासमोर १००० पानी आरोपपत्र दाखल केले. तीन महिन्यांपूर्वी हे हत्या प्रकरण उघडकीस आले होते.
अतिरिक्त मुख्य महानगरदंडाधिकारी आर. व्ही. अदोणे यांच्यासमोर सीबीआयने गुरुवारी इंद्राणी व अन्य आरोपींविरोधात आरोपपत्र दाखल केले. इंद्राणी हिने खन्ना व राय यांच्या साथीने शीनाच्या हत्येचा कट रचला. तसेच तीन वर्षांपूर्वी तिने या कटाची अंमलबजावणी करत शीनाची हत्या केली आणि तिच्या मृतदेहाची विल्हेवाट लावल्याचा मुख्य आरोप सीबीआयने इंद्राणीसह अन्य दोन आरोपींवर ठेवला आहे.