चेंबूरमधील पुनर्विकास प्रकल्प: कथित फसवणूकप्रकरणी सहा जणांविरोधात गुन्हा

मुंबई : चेंबूर येथे पुनर्विकास प्रकल्प राबवून ३६ स्थानिक रहिवाशांना घर देण्याचे आमिष दाखवून ३० कोटी रुपयांची फसवणूक केल्याच्या आरोपाखाली बांधकाम कंपनी मे. जी. ए. बिल्डर्स प्रा. लिमिटेडसह सहा जणांविरोधात गुन्हा दाखल करण्यात आला आहे. या प्रकरणाचा तपास मुंबई पोलिसांची आर्थिक गुन्हे शाखा करीत आहे. तक्रारदार बाळकृष्ण चव्हाण यांच्या तक्रारीवरून चेंबूर पोलीस ठाण्यात मे. जी. ए. बिल्डर्स प्रा. लि, अनिल अगरवाल (मृत), सारंग अगरवाल, अनुभव अगरवाल, गोकुळ अगरवाल व इतर आरोपींविरोधात गुन्हा दाखल करण्यात आला आहे.