VIDEO: सुप्रिया सुळे आणि मविआ सरकारच्या ९ मंत्र्यांकडे निर्भया फंडातील वाहनं, चित्रा वाघांनी यादीच वाचली, म्हणाल्या…

“आणखी किती पापं करणार आणि ती कुठे फेडणार?”

चित्रा वाघ म्हणाल्या, “केंद्र सरकारकडून मिळालेल्या निर्भया निधीतून २२० वाहने खरेदी करायची. त्यातील १२१ वाहने पोलीस ठाण्यांना द्यायची आणि ९९ वाहने स्वत:च इतर विभागांना वाटायची. म्हणजे निर्भया पथकाची वाहने इतर विभागांना महाविकास आघाडी सरकारनेच दिलेली असताना आताच्या सरकारच्या नावाने बोंबा मारायच्या. अशी आणखी किती पापं करणार आणि ती कुठे फेडणार?”

आणखी वाचा

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

‘त्या’ युवराजाला जनता कंटाळली, आता हा ‘राज’पुत्र काय करणार?, सदा सरवणकरांच्या मुलीची दोन्ही ठाकरेंवर जोरदार टीका

महाविकास आघाडीने जाहीरनामा चोरला; एकनाथ शिंदे यांचा आरोप

Video: “भारतात भगवाधारींनीच राजकारण करावं, सूट-बूट घालणाऱ्यांनी…”, जगदगुरू रामभद्राचार्यांचं विधान चर्चेत!

लक्षवेधी लढत : धार्मिक ध्रुवीकरणाचा प्रयोग यशस्वी होणार?

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

“मविआच्या नेत्यांकडून निर्भया पथकाच्या वाहनाबाबत कांगावा”

“गेल्या दोन दिवसांपासून निर्भया पथकाची वाहने मंत्र्यांच्या सुरक्षेसाठी वापरली, असा कांगावा विविध नेते करीत आहेत. महाविकास आघाडी सरकारच्याच काळात ४ फेब्रुवारी २०२२ रोजी निर्भया निधीतून २२० वाहने खरेदी करण्यात आली. या २२० वाहनांपैकी १२१ वाहने मुंबईतील एकूण ९४ पोलीस ठाण्यांना देण्यात आली, तर ९९ वाहने ही इतर विभागांना वितरित करण्यात आली. हे वितरण १९ मे २०२२ रोजी करण्यात आले,” असं चित्रा वाघ यांनी सांगितलं.

व्हिडीओ पाहा :

“९ मंत्र्यांच्या दावणीत ही निर्भया निधीची वाहने”

“सर्वांत आश्चर्य म्हणजे ९ मंत्र्यांच्या दावणीत ही निर्भया निधीची वाहने देण्यात आली, तर १२ वाहने व्हीव्हीआयपी ताफ्यासाठी देण्यात आली. यात मंत्री छगन भुजबळ, विजय वडेट्टीवार, सुनील केदार, सुनील तटकरे, सुभाष देसाई इत्यादींचा समावेश होता. खासदार सुप्रिया सुळे यांच्या ताफ्यासाठीही याच निर्भया निधीतून घेण्यात आलेली वाहने वापरण्यात आली. सुप्रिया सुळे यांनी सुद्धा निर्भया निधीतील वाहन वापरायचे आणि इकडे मात्र शिंदे-फडणवीस यांच्या सरकारवर टीका करायची, हा दुटप्पीपणा कशाला?” असा प्रश्न चित्रा वाघ यांनी विचारला.

“वाहतूक विभाग वरळीला १७ वाहने देण्यात आली”

चित्रा वाघ पुढे म्हणाल्या, “वस्तुत: निर्भया निधीतून खरेदी करण्यात आली असताना ती पोलीस विभागाने जलद प्रतिसाद पथक, श्वान पथक, संरक्षण शाखा, सुरक्षा शाखा, आर्थिक गुन्हे शाखा, विशेष शाखा, लाचलुचपत विभाग, मोटर परिवहन विभाग इत्यादी विभागांना करण्यात आले. हीच वाहने वाहतूक विभाग वरळीला १७ वाहने देण्यात आली.”

हेही वाचा : VIDEO: आरोग्य विभागावर मंत्र्यांचा वचक नाही का? मेळघाटातील कुपोषण मृत्यूवरील प्रश्नावर मंत्री लोढा म्हणाले…

“तत्कालिन गृहविभागाला लाज वाटली नाही का?”

“आदित्य ठाकरेंच्या वरळीवर विशेष लक्ष दिले गेले, हे ठीक. पण, निर्भया पथकाची वाहने आदित्य ठाकरेंच्या मतदारसंघात देताना तत्कालिन गृहविभागाला लाज वाटली नाही का? आता आमचे सरकार आहे, तर ही सर्व वाहने पुन्हा निर्भया पथकासाठी देण्याची कार्यवाही वेगाने सुरू आहे. ती येत्या आठवडाभरात पूर्ण होईल,” असेही चित्रा वाघ यांनी म्हटले आहे.