शहरांचा नियोजक

रचना केलेल्या वास्तू
गुजरातेतील गांधी स्मारक, मॅसॅच्युसेट्स इन्स्टिटय़ूट ऑफ टेक्नॉलॉजीचे ब्रेन सायन्स सेंटर, कॅनडातील टोरांटोचे इस्माइली सेंटर व न्यूयॉर्क येथे भारताच्या स्थायी दूतावासाचा समावेश होता. नवी मुंबई उपनगर, अनेक शैक्षणिक संस्था, सरकारी इमारती, कमी उत्पन्न गटातील घरे, मध्य प्रदेशचे विधानभवन, भोपाळचे भारत भवन, दिल्लीचे क्राफ्ट्स म्युझियम, ब्रिटिश कौन्सिल इमारत, साबरमती आश्रम, जवाहर कलाकेंद्र, जयपूर, सिटी सेंटर कोलकाता, सिटी डे हॉटेल्स (गोवा व कोवलम)

मुंबईचे प्रश्न मुंबईमध्येच सुटणार नाहीत. त्यासाठी समांतर शहराची गरज असल्याचे कोरिया यांनी सांगितले होते. अशा शहराची रचना कशी असेल याचा पूर्ण अभ्यास करून त्यांनी एका लेखात त्याचे मॉडेलही मांडले होते. शहरांचा सम्यक दृष्टिकोनातून विचार करण्यासाठी माजी पंतप्रधान राजीव गांधी यांनी ‘अर्बन कमिशन’ समिती स्थापन केली होती. एक वास्तुरचनाकार म्हणून त्यांचे काम महत्त्वाचे होते.
सुलक्षणा महाजन, वास्तू व नगर रचनाकार

कोरिया यांना भारतीय मातीची जाण होती. ती त्यांच्या रचनांमधूनही दिसून येते. त्यांची वक्तृत्वशैली उत्तम होती आणि त्यांचा अभ्यासही दांडगा होता. त्यांच्या माहितीला चित्रांची जोड असायची. त्यामुळे समोरच्याला विषयाबद्दल समजून घेणे सोपे  जायचे. मुंबईवर त्यांचे खास प्रेम होते.  
– प्रकाश पेठे, वास्तुरचनाकार

कोरिया उत्तम वास्तुरचनाकार होतेच, पण ते माणूस म्हणूनही उत्तम होते. त्यांच्यात जातीवंत कलाकार दडलेला होता. त्यांची एक रचना दुसऱ्याप्रमाणे दिसणार नाही, याकडे त्यांनी विशेष लक्ष दिले.
शरद तरडे, शिल्पकार आणि चित्रकार

पुरस्कार व मानसन्मान
* पहिल्या राष्ट्रीय शहरीकरण आयोगाचे अध्यक्ष
* इंटरनॅशनल युनियन ऑफ आर्किटेक्चरचे सुवर्णपदक
* आगाखान पुरस्कार
* पद्मश्री व पद्मविभूषण
* रॉयल गोल्ड मेडल ’गोमंतक भूषण
लेखन- ‘अ प्लेस इन शेड’ वास्तुशास्त्रावरील पुस्तक