“कोणी हिंमत करणार नाही, तुम्ही घरी जा”; मातोश्रीबाहेरील शिवसैनिकांना मुख्यमंत्र्यांचे आवाहन

“तुम्ही कृपा करुन सगळ्याजणांनी घरी जा. इकडे कोणी हिंमत करणार नाही. तुम्ही दिवसभर इथे आहात त्यामुळे घरी जा,” असे आवाहन मुख्यमंत्री उद्धव ठाकरे यांनी मातोश्रीबाहेरील शिवसैनिकांना केले आहे.

मुंबई पोलिसांनी शुक्रवारी खासदार नवनीत राणा आणि त्यांचे आमदार पती रवी राणा यांना नोटीस बजावली आहे. यामध्ये दोघांनाही कायदा व सुव्यवस्था अबाधित न ठेवण्यास सांगितले आहे. पोलिस उपायुक्त मंजुनाथ यांनी त्यांना कलम १४९ अंतर्गत नोटीस बजावली आहे. २३ एप्रिल रोजी मातोश्रीबाहेर हनुमान चालिसाचे पठण करणार असल्याची घोषणा राणा दांपत्याने केली आहे.

पोलिसांची नोटीस मिळाल्यानंतरही नवनीत राणा आणि रवी राणा यांनी मातोश्रीवर जाण्यास तयार आहोत, मात्र निर्णय बदलणार नसल्याचे सांगितले. शनिवारी सकाळी नऊ वाजता मातोश्रीवर जाणार असून, सुरक्षा व्यवस्था बिघडू नये, अशी आमची इच्छा आहे, त्यामुळे आम्ही लोकांना तेथे येण्यास मनाई केली असल्याचे त्यांनी सांगितले. उद्धव ठाकरे हे हिंदुत्वामुळे मुख्यमंत्रीपदावर आहेत. पण आता त्यांना त्यांची विचारधाराच विसरली आहे, असे नवनीत राणा म्हणाल्या.