मोठी बातमी : मुख्यमंत्री उद्धव ठाकरे रुग्णालयात दाखल होणार कारण…

मुख्यमंत्री यांनी जनतेला उद्देशून एक निवेदन प्रसारित केलं आहे आणि आपण नेमकं का रुग्णालयात दाखल होत आहोत याबाबतची वस्तुस्थिती सांगितली आहे. मुख्यमंत्री निवेदनात म्हणतात “माझ्या बांधवांनो भगिनींनो आणि मातांनो, जय महाराष्ट्र ! गेल्या सुमारे दोन वर्षांपासून आपण कोविडचा मुकाबला करतो आहोत. एकीकडे या विषाणूशी लढाई सुरू असतांना दुसरीकडं आपलं जीवनचक्र सुरू राहावं, राज्यातली विकास कामं सुरूच राहावीत म्हणून आम्ही सगळे कुठेही न थांबता सातत्यानं प्रयत्न करतोय. मान देखील वर करायला वेळ मिळत नव्हता, साहजिकच माझ्या मानेच्या दुखण्याकडे नाही म्हणलं तरी थोडंसं दुर्लक्ष झालं आणि मानेवर जो परिणाम व्हायचा तो झालाच ! पण या दुखण्यावर व्यवस्थित उपचार व्हावेत यादृष्टीनं डॉक्टरांनी सल्ला दिल्यावरून मी आज रुग्णालयात दाखल होणार असून दोन तीन दिवस तिथेच राहून योग्य ते उपचार घेणार आहे. आपले आशीर्वाद माझ्या पाठीशी आहेत, त्यामुळं लवकरच तब्येत बरी होईल अशी खात्री आहे. यानिमित्ताने एकच सांगायचं आहे. कोरोना लसींच्या बाबतीत आपण १० कोटींचा टप्पा ओलांडला असला तरी आपल्याला सर्वांना लसींचे दोन डोस घेणे अतिशय महत्वाचे आहे. आपल्या जीवनाला सुरक्षित ठेवण्यासाठी लगेचच जवळच्या केंद्रावर जाऊन लस घ्या एवढीच विनंती करतो “, आपला नम्र…. उद्धव बाळासाहेब ठाकरे.

आणखी वाचा

“पुढील मकर संक्रांतीपर्यंत ठाकरे-फडणवीस एकत्र”, आमदार रवी राणांचा दावा

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Maharashtra News Updates : “पप्पांना रस्त्यावरून उचललं, आता काकाला…”, संतोष देशमुखांच्या लेकीचा सरकारवर संताप

Beed Crime: ‘बीड जिल्हा केंद्रशासित प्रदेश करा’, सरपंचाच्या अपघातानंतर ठाकरे गटाच्या नेत्याची मागणी

MVA : “महाविकास आघाडी उद्ध्वस्त होतेय, जनतेने त्यांना हाकलून दिले”, ठाकरे गटाचा स्वबळाचा नारा; अजित पवार गटाचा टोला

Vijay Wadettiwar : “आम्ही उद्धव ठाकरेंना विनंती करू, अन्यथा…”, ठाकरे गटाच्या स्वबळाच्या घोषणेवर विजय वडेट्टीवारांचं मोठं विधान

ठाकरेंच्या शिवसेनेने स्वबळाचा नारा दिल्यानंतर प्रकाश आंबेडकरांचा गंभीर आरोप; म्हणाले, “आदित्य ठाकरेंच्या…”

Aditya Thackeray : “…तर आम्हीही देवेंद्र फडणवीसांचं कौतुक करु”, मुख्यमंत्र्यांच्या भेटीनंतर असं का म्हणाले आदित्य ठाकरे?

दोन दिवसांपूर्वी राज्यातील पालखी रस्त्याच्या भूमिपूजनाचा एक कार्यक्रम झाला होता. स्वतः पंतप्रधान नरेंद्र मोदी या कार्यक्रमाला दृकश्राव्य पद्धतीने उपस्थित होते. या कार्यक्रमात दृकश्राव्य माध्यमातून सहभागी होतांना मुख्यमंत्री मानेला पट्टा लावून उपस्थित झाले होते. तेव्हाच मुख्यमंत्र्यांच्या मानेला होणाऱ्या त्रासाबद्दलची चर्चा सुरु झाली होती. आता प्रत्यक्ष रुग्णालयात दाखल झाल्यावर, उपचाराचे सोपस्कार झाल्यावर मुख्यमंत्री पुन्हा एकदा केव्हा सक्रिय होतात याकडेही सर्वाचे लक्ष लागलेले असेल.