दिवा-सीएसएमटी लोकलसाठी प्रवाशांचे आंदोलन, कोकणातील रेल्वेगाड्यांना दिवा येथे थांबा द्या

मध्य रेल्वेवरील ठाणे आणि डोंबिवलीदरम्यान असलेले दिवा हे प्रचंड गर्दीचे स्थानक आहे. गेल्या काही वर्षात दिवा येथे लोकवस्ती वाढल्याने, लोकल प्रवाशांची गर्दीही वाढली. त्या गर्दीला नियंत्रित करण्यासाठी आणि गर्दीमुळे होणारे अपघात टाळण्यासाठी रेल्वे प्रशासन लक्ष देत नाही. त्यामुळे दिवा स्थानकातून लोकलच्या दरवाज्याला लटकून प्रवास करावा लागतो. परिणामी, प्रवाशांचा अपघाती मृत्यू होतो किंवा प्रवासी जखमी होतात. तसेच दिवा स्थानकात सुमारे १.२६ लाख तिकीट विक्रीतून दैनंदिन महसूल सुमारे ६.६२ लाख रुपये आहे. मात्र, एवढी कमाई होत असून देखील दिवा-सीएसएमटी लोकल सुरू झालेल्या नाहीत. त्यामुळे आता रेल्वे प्रशासनाचा निषेध करण्यासाठी १४ ऑगस्ट रोजी सकाळी ९ वाजता प्रवाशांचा काळ्या फिती वाटण्यात येणार आहेत. प्रवासी त्या फिती बांधून प्रवास करतील, असे दिवा प्रवासी संघटनेचे अध्यक्ष आदेश भगत यांनी सांगितले.

आणखी वाचा

नागपूर : बंद वाहतूक सिग्नल; वाहनचालकांना मन:स्ताप, महापालिका-वाहतूक पोलिसांचे दुर्लक्ष

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

मेट्रो कनेक्ट ३ ॲप ॲन्ड्रॉईड फोनवर अपडेट करू नका, एमएमआरसीचे प्रवाशांना आवाहन, तांत्रिक अडचणींमुळे अपडेट केल्यानंतर ॲप होते बंद

शहरबात : नाकाबंदीचे फलित

पश्चिम रेल्वेची सेवा खोळंबली

बंदोबस्ताची रंगीत तालीम; मध्यभागात वाहतूक कोंडी

निवडणूक कर्तव्यार्थ तैनात कर्मचाऱ्यांना निवडणुकीनंतरच्या दिवशी सुटी द्यावी

दोन स्थानकांमध्ये भुयारात मेट्रो बंद, एमएमआरसीकडून प्रवाशांची सुखरूप सुटका

हेही वाचा – ‘आरटीई’ प्रवेश, वाढीव जागांबाबतचा निकाल सगळ्या शिक्षण मंडळांना लागू, उच्च न्यायालयाची स्पष्टोक्ती

हेही वाचा – धरणे कठोकाठ तरीही वरळीत ठणठणाट; वरळी, लोअर परळ, करीरोड येथे कमी दाबाने पाणीपुरवठा

तसेच दिवा स्थानकातून कोकणात जाणाऱ्या रेल्वेगाड्यांना थांबा देणे आवश्यक आहे. उल्हासनगर, कल्याण, डोंबिवली, दिवा, वसई-विरार, ठाणे, मुलुंड, भांडूप येथे मोठ्या प्रमाणात कोकणवासीय राहतात. त्यामुळे कोकणात जाण्यासाठी दिवा रेल्वे स्थानक महत्त्वाचे आहे. त्यामुळे मुंबईच्या पूर्व, पश्चिम उपनगरातील आणि ठाणे जिल्ह्यातील कोकणी प्रवाशांसाठी दिवा स्थानक महत्त्वाचे आहे. त्यामुळे या स्थानकातून जाणाऱ्या कोकणातील रेल्वेगाड्यांना थांबा देण्यात यावा, अशी मागणी भगत यांनी केली.