मुंबईः हिऱ्यांची बेकायदेशीर आयात केल्याप्रकरणी कंपनीच्या संचालकाला अटक; सीमाशुल्क विभागाची कारवाई

मे. रामपुरिया एक्सपोर्ट प्रा. लिमि.ने १९ कोटी ७० लाख रुपये किंमतीच्या हिऱ्यांची आयात केली होती. संबंधित हिरे चढ्या भावाने आयात करण्यात आल्याची माहिती सीमाशुल्क विभागाला मिळाली होती. त्यामुळे सीमाशुल्क विभागाने त्रिसदस्यीय तज्ज्ञांच्या समितीकडून हिऱ्यांची तपासणी करून घेतली असता त्यांची किंमत १३ कोटी २९ लाख रुपये असल्याचे निष्पन्न झाले. बाजारभावापेक्षा सहा कोटी ४१ लाख रुपये अधिक किंमत दाखवून हिरे आयात करण्यात आल्याचे उघड झाले. त्यानंतर सीमाशुल्क विभागाने कंपनीच्या मुंबईतील ऑपेरा हाऊस परिसरातील कार्यालयात छापा टाकला. त्यात १०६८ कॅरेटचे हिरे व काही कच्च्या स्वरूपातील हिरे ताब्यात घेण्यात आले. या हिऱ्यांच्या खरेदीबाबत कोणतीही ठोस कागदपत्रे उपलब्ध करण्यात न आल्यामुळे त्यांचे मूल्यांकन करण्यात येणार असल्याचे अधिकाऱ्याने सांगितले. या आयातीमागे सागर शाह याचा सहभाग असल्याचे निष्पन्न झाल्यामुळे सीमाशुल्क विभागाने त्याला अटक केली.

आणखी वाचा

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

Nana Patole : निकालाआधी राजकीय घडामोडींना वेग; यातच…

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

मुंबई : गस्तीवर असलेल्या पोलीस अधिकाऱ्यावर हल्ला

चीन, नेपाळमधून सायबर फसवणूक करणाऱ्या टोळीचा पर्दाफाश

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

हेही वाचा >>>मुंबई: नायर दंत महाविद्यालयातील सार्वजनिक आरोग्य दंतचिकित्सा विभाग अद्ययावत होणार

कच्च्या हिऱ्यांच्या निर्यातीसाठी किम्बर्ले प्रक्रिया प्रमाणपत्राची आवश्यकता असते. पण या प्रमाणपत्राशिवायच हिऱ्यांची आयात करण्यात आल्याचे तपासणीत निष्पन्न झाले. आरोपी संचालकाने आयात केलेले हिरे त्याच्या मालकीचे नसून केवळ त्याचा आयात-निर्यात कोड वापरण्यात आला आहे. त्या बदल्यात त्याला ०.३ टक्के कमिशन मिळत होते. याप्रकरणी सीमाशुल्क विभागाने सीमाशुल्क कायद्याअंतर्गत गुन्हा दाखल करून शाहला अटक केली. यापूर्वी सुरत सेझ येथून अन्य ठिकाणी बेकायदेशिररित्या हिरे नेल्याच्या आरोपाखाली गुजरात डीआरआयने त्याला अटक केली होती.