औषध प्रतिरोध क्षयरोग नियंत्रणात, क्षय बरा होण्याचा दर २०२३ मध्ये ८२ टक्के

मुंबईत २०२२ मध्ये ५५ हजार २८४ क्षयरुग्ण आढळले होते. तर २०२३ मध्ये या रुग्णांची संख्या ५० हजार २०६ इतकी होती. २०२३ मध्ये एकूण १ लाख ८२ हजार ८ इतक्या नमुन्यांची चाचणी करण्यात आली. यामध्ये पुरुष क्षयरुग्ण आणि स्त्री क्षयरुग्ण यांचे प्रमाण जवळपास समान होते. २०२२ मध्ये आढळलेल्या ५५ हजार २८४ रुग्णांमध्ये औषध संवेदनशील क्षयरोग रुग्णाची संख्या ४९ हजार ५८६, तर औषध प्रतिरोधक क्षयरोग रुग्णांची संख्या ५ हजार ६९८ इतकी आहे. यामध्ये लहान मुलांची संख्या ४ हजार २८५, तर फुप्फुसाव्यतिरिक्त १९ हजार ९२० जणांना क्षयरोगाची लागण झाली आहे. त्याचप्रमाणे २०२३ मध्ये आढळलेल्या ५० हजार २०६ रुग्णांमध्ये औषध संवेदनशील क्षयरोग रुग्णांची संख्या ४५ हजार ४१३, तर औषध प्रतिरोधक क्षयरोग रुग्णांची संख्या ४ हजार ७९३ इतकी आहे. यामध्ये लहान मुलांची संख्या ४ हजार ०६६ तर फुप्फुसाव्यतिरिक्त १८ हजार २६६ जणांना क्षयरोगाची लागण आहे.

आणखी वाचा

विश्लेषण : ‘स्विगी’च्या समभागांसाठी बोली लावणे फायद्याचे की तोट्याचे?

९ नोव्हेंबर पंचांग: कष्टाचे फळ, कुटुंबात गोडवा ते…

कोणत्याही पदार्थांमध्ये दह्याचा सतत वापर करणं ठरू शकतं घातक? जाणून घ्या तज्ज्ञांचे मत…

हृदयविकाराचा झटका टाळण्यासाठी विसाव्या वर्षापासून प्रत्येक महिलेने कराव्यात ‘या’ चार चाचण्या; जाणून घ्या, तज्ज्ञ काय सांगतात… –

Life Certificate Submission : पेन्शनधारकांनो, ‘या’ तारखेपूर्वी जमा करा जीवन प्रमाणपत्र अन्यथा…; ऑफलाइन आणि ऑनलाइन कसे जमा करावे? जाणून घ्या

Astrological Predictions India 2024 : ‘आर्थिक झळ ते मानसिक समस्यांमध्ये वाढ’; शनीची वक्रदृष्टी? भारताचे पुढे काय होणार? वाचा ज्योतिषांची भविष्यवाणी

फसवे फोन कॉल ते ऑनलाइन हस्टलिंग; आजी-आजोबांच्या ऑनलाईन फसवणुकीचे प्रमाण वाढले; कारण काय? संरक्षणात्मक उपाय काय?

राज्यामध्ये १२ लाखांपेक्षा अधिक नागरिकांचे झाले क्षयरोग लसीकरण; मुंबईमध्ये अद्याप लसीकरण मोहीमेला सुरुवात नाही

हेही वाचा – विखे-पाटील यांच्या माफीनाम्यानंतरही भाजपमधील निष्ठावंतांची नाराजी कायम

दोन वर्षांच्या आकडेवारीवरून मुंबईतील रुग्णांच्या संख्येत घट झाल्याचे स्पष्ट झाले. मुंबईतील रुग्णसंख्येत एकीकडे घट झालेली असतानाच दुसरीकडे मुंबईबाहेरून उपचारासाठी येणाऱ्या रुग्णांच्या संख्येत मात्र वाढ झाली आहे. २०२२ मध्ये मुंबईबाहेरून उपचारासाठी आलेल्या रुग्णांची संख्या १० हजार ४६३ इतकी होती. २०२३ मध्ये या रुग्णांची संख्या १३ हजार ३६९ इतकी झाली आहे.

मुंबईत क्षयरोगाच्या निर्मूलनासाठी मुंबई महानगरपालिकेच्या सार्वजनिक आरोग्य विभागाकडून २४ विभागात प्रभावी जनजागृती मोहीम राबवली जात आहे. अतिजोखीम गटातील रुग्णांचे बीसीजी लसीकरण, रुग्णांचा आहार आणि रुग्ण शोधण्यासाठी अत्याधुनिक एआय तंत्रज्ञानाचा वापर केला जात आहे. त्यानुसारच क्षयरोग निर्मूलनासाठी आगामी दिवसात जनजागृतीपर सर्व विभागात कार्यक्रम हाती घेण्यात आले असल्याची माहिती कार्यकारी आरोग्य अधिकारी डॉ. दक्षा शहा यांनी दिली.

हेही वाचा – शहांनी बडदास्त ठेवलेले उदयनराजे आता भेटीसाठीही तरसले!

सद्यस्थितीत मुंबईत ४२ सीबीनॅट यंत्र, २४ ट्रूनॅट यंत्र, ३ कल्चर आणि डीएसटी लॅब याद्वारे अत्याधुनिक चाचणी सुविधा उपलब्ध आहेत. तसेच २५ सार्वजनिक क्षेत्रातील आणि ६ खाजगी केंद्रांवर औषध प्रतिरोधी उपचारांची सुविधा रुग्णांसाठी मोफत उपलब्ध आहे. राष्ट्रीय कार्यक्रमाअंतर्गत मुंबईच्या सर्व २४ विभागात प्रौढ बीसीजी लसीकरण कार्यक्रम हाती घेण्यात आला आहे. एप्रिल २०२४ मध्ये आरोग्य स्वयंसेविका आणि आशा सेविकांद्वारे पात्र लाभार्थ्यांचे सर्वेक्षण केले जाईल. मे २०२४ मध्ये लसीकरण केले जाईल. मुंबई जिल्ह्यात २०२२-२०२४ मध्ये ८८ हजार ८९ इतक्या पोषण आहार कीटचे वाटप झाले आहे. त्याचा १९ हजार ८१८ क्षयरुग्णांना लाभ झाला आहे. तसेच कार्यक्रमामध्ये सहभागी असलेल्या निवडक खासगी डॉक्टर आणि खासगी रुग्णालयांमध्येसुद्धा क्षयरुग्णांचे निदान व उपचार मोफत उपलब्ध आहेत.

९२१ संभाव्य रुग्णांचा शोध

कृत्रिम बुद्धिमत्ता आधारित क्ष-किरण सेवा आणि संशयित क्षयरुग्ण तीन मिनिटांच्या आत ओळखण्यासाठी गेल्या दोन वर्षांत ‘क्षयरोग रोखा’ आणि क्यूआर एआयच्या भागीदारीत या प्रकल्पाची अंमलबजावणी करण्यात आली आहे. या तंत्रज्ञानाद्वारे एकूण ९० हजार ७५१ क्ष-किरण काढण्यात आले असून ९२१ एवढे क्ष-किरणांमध्ये संभाव्य क्षयरुग्ण आढळले आहेत. तसेच या सर्व क्षयरुग्णांचा वैद्याकीय पाठपुरावा करण्यात येत आहे.

हेही वाचा – मुलाच्या ‘कल्याणा’साठी मुख्यमंत्र्यांचे सारे काही

थुंकी नमुना प्रणाली

थुंकी नमुना घेऊन वैद्यकीय चाचणी करताना मागोवा घेण्यासाठी क्यूआर कोड आधारित प्रणालीची पथदर्शी यशस्वी चाचणी केल्यानंतर मुंबईतील सर्व विभागांमध्येही प्रणाली सुरू करण्यात येणार आहे. चाचणी करण्यासाठी लागणारे नमुने आणि चाचणी करण्यासाठी लागलेला प्रत्यक्ष वेळ यावर देखरेख ठेवण्यासाठी मदत होईल.