मुंबई : मध्य रेल्वेच्या मुलुंड ते नाहूर रेल्वे स्थानकादरम्यान रेल्वे रुळाला तडे गेले. रात्री १०.२० च्या दरम्यान घडली. यामुळे मध्य रेल्वेच्या डाऊन धीम्या मार्गावरील लोकल सेवा रखडली आहे. त्यामुळे परतीचा प्रवास करणाऱ्या प्रवाशांचे प्रचंड हाल होत आहेत. या घटनेची माहिती मिळताच मध्य रेल्वेचे अभियांत्रिकी पथक घटना स्थळी पोहचले. त्यानंतर साधारण रात्री १०.५० वाजता बिघाड दुरूस्त करण्यात आला. मात्र तोपर्यंत एकमागे एक गाड्या उभ्या राहिल्या आहेत. विक्रोळी ते भांडुप दरम्यान गाड्या रखडल्या आहेत. जवळपास तासभर गाड्या उशिरा धावत आहेत.
