गोरेगावमध्ये पोलिसांनी जप्त केला ८८ लाखांचा गुटखा ; दोघांना अटक

मुंबई : मुंबई पोलिसांच्या गुन्हे शाखेने बुधवारी गोरेगाव येथून 88 लाख रुपयांचा गुटखा जप्त केला. या प्रकरणी दोघांना अटक करण्यात आल्याची माहिती पोलिसांनी दिली. गुटख्याच्या मालाची वाहतूक करण्यासाठी वापरण्यात आलेला ट्रक जप्त करण्यात आला आहे. सिद्धप्पा उर्फ सिद्धू शिवयोजप्पा पुजारी (४०) आणि सफन साहब मौल्ला साहब शेख (३३) या आरोपींनी कर्नाटक राज्यातून गुटखा आणल्याचे चौकशीत निष्पन्न झाले आहे. आरोपी गुटख्याचे वितरण करण्यासाठी मुंबईमध्ये आले होते.