मुंबईः कुलगुरूंच्या नावामुळे महिलेचे बिंग फुटले; खोट्या प्रमाणपत्राच्या आधारे महिला लंडनला जात होती

गुजरातमधील रहिवासी असलेली वैशालीबेन पारेख सोमवारी दुबईमार्गे लंडनला जात होती. त्यावेळी तिने सादर केलेल्या विविध कागदपत्रांची विमानतळावर इमिग्रेशन विभागातर्फे तपासणी करण्यात आली. वैशालीबेन कुशल कामगार व्हिजावर प्रवास करत असल्याचे अधिकाऱ्यांनी पाहिले. त्यामुळे अधिकाऱ्याने महिलेचे शैक्षणिक प्रमाणपत्र तपासले.

आणखी वाचा

पंजाबी वसाहतीचा लवकरच पुनर्विकास म्हाडातर्फेच कार्यवाही; विरोधातील विकासकाची याचिका उच्च न्यायालयाने फेटाळली

झोपुचे संकेतस्थळ अद्ययावत : आतापर्यंत १७३६ योजनांना मंजुरी

राज्यभरात निवडणुकीशी संबंधित १५९ गुन्हे, ‘ईव्हीएम’ मोडतोड, आचारसंहितेचा भंग

मतदानात पाच टक्के वाढ

मालवण येथील शिवपुतळा दुर्घटना : बांधकाम सल्लागार चेतन पाटील यांना उच्च न्यायालयाकडून जामीन

मुंबई : १२५ कोटीच्या संशयित व्यवहारांप्रकरणी एकाला अटक

जुन्या चित्रपटांच्या पुन:प्रदर्शनाचा ट्रेण्ड सुरूच… ‘करण अर्जुन’, ‘बीवी नंबर वन’ हे चित्रपट पुन:प्रदर्शित होणार

मुंबई : निवडणूक कर्तव्यावर असताना पालिका कर्मचाऱ्याचा मृत्यू

उमेदवार आणि कार्यकर्ते प्रचाराचा शीण घालवून लागले आकडेवारीच्या अभ्यासाला

हेही वाचा… वांद्रे रेक्लेमेशन, आदर्शनगर, अभ्युदयनगर वसाहतींच्या एकत्रित पुनर्विकासाला रहिवाशांचा विरोध!

प्रमाणपत्रानुसार महिला २०१० मध्ये गुजरात विद्यापीठातून पदवीधर झाली होती. या प्रमाणपत्रावर कुलगुरू म्हणून ओ. पी. कोहली यांची स्वाक्षरी होती. इमिग्रेशन अधिकाऱ्याला संशय आल्यामुळे त्याने गुजरात विद्यापीठाच्या संकेतस्थळावर तपासले असता २०१० ते २०११ या कालावधीत गुजरात विद्यापीठात कमला बेनीवाल या कुलगुरू होत्या. त्यामुळे महिलेचे शैक्षणीक प्रमाणपत्र बनावट असल्याचे निष्पन्न झाले. युके वाणिज्य वकिलातीला बनावट प्रमाणपत्र सादर करून महिलेने कुशल कामगार व्हिजा मिळवला होता. त्यामुळे याप्रकरणी पोलिसांकडे तक्रार करण्यात आली. बनावट कागदपत्रे तयार केल्याप्रकरणी सहार पोलिसांनी गुन्हा दाखल केला. महिलेने चौकशीत लंडनमधील एजंट अंकुर पटेल याच्याकडून बनावट प्रमाणपत्र मिळाल्याचे सांगितले. याबाबत पोलीस अधिक तपास करीत आहेत.