नोटाबदल आजपासून; ग्राहकांना सावलीची, पेयजलाची सुविधा देण्याची बँकांना सूचना

रिझव्‍‌र्ह बँकेने शुक्रवारी २,००० रुपयांच्या नोटा चलनातून काढून घेण्याचा निर्णय जाहीर केला. याची अंमलबजावणी म्हणून मंगळवारपासून त्या नोटांच्या बदल्यात अन्य मूल्याच्या चलनी नोटा बदलून द्यायला सुरुवात होत आहे. केंद्र सरकारने २०१६ मध्ये नोटाबंदीचा निर्णय घेतला होता. त्यावेळी नोटा बदलण्यासाठी बँकांच्या बाहेर लागलेल्या रांगांमध्ये अनेक नागरिकांचा मृत्यू झाल्याच्या घटना घडल्या होता. आता तशी परिस्थिती निर्माण होऊ नये, यासाठी रिझव्‍‌र्ह बँकेने आधीच पावले उचलली आहेत.

आणखी वाचा

औषध आणीबाणी टळली, औषध वितरकांची दोन आठवड्यात देयके मंजूर होणार

…तर औषधाची गरजच नाही! वाचा निरोगी आयुष्य जगण्यासाठी…

रुपयाची दोन वर्षांतील सर्वांत मोठी गटांगळी

पुणे : बदला घेण्यासाठी पिस्तूल बाळगणारा गजाआड, एरंडवणेतील डीपी रस्त्यावर गुन्हे शाखेची कारवाई

कल्याणमधील कचरा संकलनात हलगर्जीपणा करणाऱ्या कंत्राटदाराचा ठेका रद्द, पालिकेकडून होणार ब, ड आणि जे प्रभागात सफाई

पिंपरी : डिजिटल स्वाक्षरीअभावी दोन वर्षांपासून परवान्यांंचे वितरण रखडले

साहित्य संमेलनासाठी महाराष्ट्र सदन मिळेना! शुल्काच्या मुद्द्यावर चार महिन्यांपासून खल

मुंबईत पीएम २.५ च्या पातळीत वाढ

आता उन्हाळा सुरू असून, अनेक ठिकाणी तापमानाचा पारा उच्चांकी पातळीवर आहे. या पार्श्वभूमीवर रिझव्‍‌र्ह बँकेने सर्व बँकांना उद्देशून काढलेल्या परिपत्रकात म्हटले आहे की, दोन हजारांच्या नोटा बदलण्यासाठी येणाऱ्या ग्राहकांना सावलीत प्रतीक्षा करण्याची सोय, पिण्याच्या पाण्याची सुविधा आदी गोष्टी उपलब्ध करून द्याव्यात. उन्हाळा असल्याने बँकांनी या सुविधा उपलब्ध करून द्याव्यात. याचबरोबर बँकांनी दोन हजारांच्या किती नोटा बदलून दिल्या याचा दैनंदिन अहवाल तयार करून देण्यासही सांगण्यात आले आहे.

बँकांना सूचना काय?

•   ग्राहकांना प्रतीक्षा करण्यासाठी सावलीची सोय करा.

•   ग्राहकांना पिण्यासाठी पाणी उपलब्ध करून द्या.

•   नित्य पद्धतीने नोटा बदलण्याची सर्व खिडक्यांवर सुविधा द्या.

•   किती नोटा बदलल्या याचा दैनंदिन अहवाल ठेवा.