लोकसत्ता खास प्रतिनिधी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
मुंबई: बँकेचा लोगो असलेले मोबाइल ॲप्लिकेशन डाऊनलोड केल्यानंतर ४३ वर्षीय व्यक्तीच्या बँक खात्यातून पावणेतीन लाख रुपये हस्तांतरित झाल्याचा प्रकार उघडकीस आला आहे. याप्रकरणी वांद्रे पोलीस ठाण्यात फसवणूक व माहिती तंत्रज्ञान प्रतिबंधक कायद्याअंतर्गत गुन्हा दाखल करण्यात आला आहे. सायबर भामट्यांनी खासगी बँकेच्या मोबाईल ॲप्लिकेशनशी साधर्म्य असलेले ॲप्लिकेशन तयार करून ही फसणूक केल्याचा दावा तक्रारीत करण्यात आला आहे.
या प्रकरणातील ४३ वर्षीय तक्रारदार वांद्रे पश्चिम येथील रहिवासी आहेत. त्यांचा एलईडी लाईटचा व्यवसाय आहे. त्यांचे एका खासगी बँकेत खाते असून त्याच बँकेचे क्रेडिटकार्डही ते वापरतात. त्यांना ८ ऑगस्ट रोजी एक संदेश आला होता. त्यात त्यांच्या क्रेडिट कार्डवर ५,८९९ पाईट्स जमा असून ते रिडिम करण्यासाठी खालील लिंकवर क्लिक करा असे संदेशात नमुद करण्यात आले होते. त्यानुसार त्यांनी लिंकवर क्लिक केल्यानंतर त्यांना बँकेचे चिन्ह असलेले एक ॲप्लिकेशन दिसले. त्यापुढे पाईंट रिडिम करण्यासाठी पुढील ॲप्लिकेशन डाऊनलोड करण्याच्या सूचना करण्यात आल्या होत्या. त्यानुसार तक्रारदार यांनी ते ॲप डाऊनलोड केले. त्यात कार्ड क्रमांक, मोबाइल क्रमांक, जन्म तारीख, कार्ड समाप्त होण्याची तारीख अशी विविध माहिती विचारण्यात आली होती. तक्रारदारांनी ती भरल्यानंतर क्लेम नाव या पर्यांयावर क्लिक केले. त्यानंतर त्यांच्या बँक खात्यावर तीन व्यवहार झाल्याचे संदेश त्यांना आले.
आणखी वाचा-मुंबई: अनधिकृत पॅरामेडिकल व्यवसायींविरोधात महाराष्ट्र पॅरामेडिकल परिषद आक्रमक
तक्रारदारांनी ते व्यवहार केले नसल्यामुळे याबाबतची माहिती त्यांनी बँकेला दिली. त्यानंतर त्यांच्या खात्यावरील सर्व व्यवहार बंद करण्यात आले. पण तोपर्यंत आरोपीने दोन लाख ७६ हजार रुपयांचे व्यवहार करून रक्कम हस्तांतरित केली होती. याप्रकरणी तक्रार केल्यानंतर वांद्रे पोलिसांनी अनोळखी व्यक्तीविरोधात फसवणूक व माहिती तंत्रज्ञान प्रतिबंधक कायद्याअंतर्गत गुन्हा दाखल केला आहे. तक्रारदाराच्या बँक व क्रेडिटकार्डवरील व्यवहारांची माहिती बँकेकडे मागण्यात आली असून त्याद्वारे पुढील तपास करण्यात येईल, असे अधिकाऱ्याने सांगितले.
मुंबई: बँकेचा लोगो असलेले मोबाइल ॲप्लिकेशन डाऊनलोड केल्यानंतर ४३ वर्षीय व्यक्तीच्या बँक खात्यातून पावणेतीन लाख रुपये हस्तांतरित झाल्याचा प्रकार उघडकीस आला आहे. याप्रकरणी वांद्रे पोलीस ठाण्यात फसवणूक व माहिती तंत्रज्ञान प्रतिबंधक कायद्याअंतर्गत गुन्हा दाखल करण्यात आला आहे. सायबर भामट्यांनी खासगी बँकेच्या मोबाईल ॲप्लिकेशनशी साधर्म्य असलेले ॲप्लिकेशन तयार करून ही फसणूक केल्याचा दावा तक्रारीत करण्यात आला आहे.
या प्रकरणातील ४३ वर्षीय तक्रारदार वांद्रे पश्चिम येथील रहिवासी आहेत. त्यांचा एलईडी लाईटचा व्यवसाय आहे. त्यांचे एका खासगी बँकेत खाते असून त्याच बँकेचे क्रेडिटकार्डही ते वापरतात. त्यांना ८ ऑगस्ट रोजी एक संदेश आला होता. त्यात त्यांच्या क्रेडिट कार्डवर ५,८९९ पाईट्स जमा असून ते रिडिम करण्यासाठी खालील लिंकवर क्लिक करा असे संदेशात नमुद करण्यात आले होते. त्यानुसार त्यांनी लिंकवर क्लिक केल्यानंतर त्यांना बँकेचे चिन्ह असलेले एक ॲप्लिकेशन दिसले. त्यापुढे पाईंट रिडिम करण्यासाठी पुढील ॲप्लिकेशन डाऊनलोड करण्याच्या सूचना करण्यात आल्या होत्या. त्यानुसार तक्रारदार यांनी ते ॲप डाऊनलोड केले. त्यात कार्ड क्रमांक, मोबाइल क्रमांक, जन्म तारीख, कार्ड समाप्त होण्याची तारीख अशी विविध माहिती विचारण्यात आली होती. तक्रारदारांनी ती भरल्यानंतर क्लेम नाव या पर्यांयावर क्लिक केले. त्यानंतर त्यांच्या बँक खात्यावर तीन व्यवहार झाल्याचे संदेश त्यांना आले.
आणखी वाचा-मुंबई: अनधिकृत पॅरामेडिकल व्यवसायींविरोधात महाराष्ट्र पॅरामेडिकल परिषद आक्रमक
तक्रारदारांनी ते व्यवहार केले नसल्यामुळे याबाबतची माहिती त्यांनी बँकेला दिली. त्यानंतर त्यांच्या खात्यावरील सर्व व्यवहार बंद करण्यात आले. पण तोपर्यंत आरोपीने दोन लाख ७६ हजार रुपयांचे व्यवहार करून रक्कम हस्तांतरित केली होती. याप्रकरणी तक्रार केल्यानंतर वांद्रे पोलिसांनी अनोळखी व्यक्तीविरोधात फसवणूक व माहिती तंत्रज्ञान प्रतिबंधक कायद्याअंतर्गत गुन्हा दाखल केला आहे. तक्रारदाराच्या बँक व क्रेडिटकार्डवरील व्यवहारांची माहिती बँकेकडे मागण्यात आली असून त्याद्वारे पुढील तपास करण्यात येईल, असे अधिकाऱ्याने सांगितले.
