मुंबईत दारासमोरुन बकऱ्या चोरल्या, माहिती देणाऱ्याला १ लाखाचे इनाम

मोहोम्मद सिद्दीकी पत्नी, मुले आणि बहिणीसह देवनार महापालिका कॉलनीमध्ये राहतात. त्यांनी घरात काही बकऱ्या पाळल्या होत्या. त्यांचे त्या बकऱ्यांवर जीवापाड प्रेम आहे. काही वर्षांपूर्वी सिद्दीकी यांनी राजस्थानमधून जामनापरी प्रजातीची बकरीची एक जोडी विकत घेतली होती. त्या बकरीने पाच पिल्लांना जन्म दिला.

मोहम्मद यांच्यासह त्यांचे कुटुंबिय त्या बकऱ्यांची भरपूर काळजी घ्यायचे. २६ मे रोजी रात्री त्यांचे संपूर्ण कुटुंब गावावरुन परतले. प्रवासामुळे आम्ही थकलो होते. त्यामुळे जेवण झाल्यानंतर आम्ही झोपून गेलो. त्या दरम्यान रात्री मी मुख्य दरवाजा बंद करण्यास विसरलो. मध्यरात्री तीनच्या सुमारास मला जाग आल्यानंतर मी बाहेर येऊन पाहिले. त्यावेळी बकऱ्या आणि माझी दुचाकी तिथे नव्हती. मी आसपास शोध घेतला, शेजाऱ्यांना विचारले पण कोणाला काहीच माहित नव्हते. त्यानंतर त्यांनी देवनार पोलीस स्टेशनमध्ये जाऊन बकऱ्या आणि दुचाकी चोरी झाल्याची माहिती दिली.