मुंबई: नायर दंत महाविद्यालयातील सार्वजनिक आरोग्य दंतचिकित्सा विभाग अद्ययावत होणार

पान, तंबाखू, गुटखा, सिगारेट, सुपारी, चुना आदी पदार्थ खाल्ल्याने नागरिकांचे मौखिक आरोग्य बिघडते. तर अनेकांना मुख कर्करोग होतो. यामध्ये संबंधित व्यक्तीच्या मुखातील त्वचा कडक होऊन हळूहळू त्याचे ताेंड उघडणे बंद होते. त्यामुळे अशा व्यक्तींवर उपचार होणे गरजेचे असते. ही बाब लक्षात घेऊन नायर दंत महाविद्यालय व रुग्णालयातील सार्वजनिक आरोग्य दंतचिकित्सा विभागातर्फे मालाडमधील मालवणी, चिता कॅम्प परिसरातील नागरिकांसह अनाथ आश्रम, वृद्धाश्रम, तुरुंगातील कैदी, वेश्यावस्तीमध्ये दंत आरोग्यविषयक शिबिराचे आयोजन करण्यात आले होते. मुंबईतील झोपडपट्टी भागासह विविध संस्था आणि ग्रामीण भागात जाऊन नायर दंत महाविद्यालयातील डॉक्टर मौखिक आरोग्याबाबत जनजागृती करीत आहेत. यासाठी रुग्णालयाकडे असलेल्या दोन मोबाइल व्हॅनचा वापर करण्यात येत आहे. या शिबिरामध्ये आढळणाऱ्या व्यक्तींवर मोबाइल व्हॅनमध्ये उपचार करण्यात येतात. मौखिक आरोग्य बिघडलेल्या नागरिकांना रुग्णालयात उपचारासाठी आणले जाते. शिबिराच्या माध्यमातून येणारे आणि थेट रुग्णालयात येणाऱ्या रुग्णांची संख्या अधिक आहे.

आणखी वाचा

शहरभर फटाक्यांची तुफान आतषबाजी… हवेची गुणवत्ता खालावली…

Madhurima Raje : सतेज पाटील ज्यांच्यामुळे ढसाढसा रडले…

पालिका आयुक्तांची सफाई कामगारांसोबत दिवाळी, कामगारांच्या वसाहतीला सपत्नीक भेट

पुणे : जुन्या इमारतींचा रखडलेला पुनर्विकास, अरुंद रस्ते कुठे आहेत हे प्रश्न !

विधानसभा निवडणुकीच्या पार्श्वभूमीवर २८ अधिकाऱ्यांच्या बदल्या

अन्वयार्थ : हा अट्टहास कशासाठी?

खासगी वैद्यकीय व दंत महाविद्यालयांना मुक्त फेरीतून वगळले, पुढील प्रवेश संस्थात्मक फेरीतून होणार

पोलीस उपाधीक्षक रेखा संकपाळ यांना ‘केंद्रीय गृहमंत्री दक्षता पदक’; नागपुरातून बाळ विकणाऱ्या टोळीवर राज्यातील पहिला मकोका

हेही वाचा >>>मुंबई: महिला पोलिसांबद्दल ट्वीटरवर अश्लील विधान करणाऱ्याविरोधात गुन्हा

रुग्णांच्या तुलनेमध्ये नायर दंत महाविद्यालयात फक्त चार खुर्च्या असून रुग्णांना उपचारासाठी ताटकळत राहावे लागत आहे. रुग्णांवर जलदगतीने उपचार व्हावेत यासाठी रुग्णालयातील सार्वजनिक आरोग्य दंतचिकित्सा विभाग अद्ययावत करण्याचा निर्णय रुग्णालय प्रशासनाने घेतला आहे. सध्या रुग्णालयात केवळ चार खुर्च्या असून आता १३ कुर्च्यांची भर टाकून त्यांची संख्या १७ करण्यात आली आहे. तसेच रुग्णांना आधुनिक सुविधा उपलब्ध करून देण्यावर भर देण्यात येत आहे. तसेच रुग्णांना अधिकाधिक तज्ज्ञ डॉक्टर उपलब्ध व्हावेत यासाठी पदव्युत्तर अभ्यासक्रम सुरू करण्यासाठी प्रयत्न करण्यात येत आहेत. तसेच रुग्णालयाच्या इमारतीमधील सहाव्या मजल्यावर या विभागाला स्वतंत्र जागा उपलब्ध करण्यात आली असल्याची माहिती नायर दंत महाविद्यालय व रुग्णालयाच्या अधिष्ठाता डॉ. नीलम अंद्राडे यांनी दिली.