आजी-माजी गृहमंत्र्यांमध्ये कलगीतुरा; ठाकरेंना तुरुंगात टाकण्याचा फडणवीसांचा डाव देशमुख

अंधश्रद्धा निर्मूलन समितीचे संयोजक प्रा. श्याम मानव यांनी मंगळवारी फडणवीसांनी शपथपत्रांसाठी देशमुखांवर दबाब टाकल्याचा आरोप केला होता. बुधवारी याला दुजोरा देताना देशमुखांनी संपूर्ण तपशीलच मांडला. ते म्हणाले, की तीन वर्षांपूर्वी फडणवीस यांनी पाठवलेला एक माणूस चार शपथपत्रे घेऊन आला होता. पहिल्या शपथपत्रात उद्धव ठाकरे यांनी महापालिका निवडणुकीसाठी पैसे मागितल्याचे नमुद होते. दुसऱ्यात आदित्य यांच्यावर दिशा सालीयन प्रकरणी गंभीर आरोप होते. तिसऱ्यात परब यांच्यावर आरोप होते तर चौथ्या प्रतिज्ञापत्रात अजित पवार यांनी गुटखा व्यावसायिकांकडून वसुली करण्यास सांगितल्याचे नमुद होते.

आणखी वाचा

Ajit Pawar : “…तर सरकारलाही अर्थ नाही”, अजित पवार आणि अर्थ खात्यावरून अमोल मिटकरींचा महायुतीलाच टोला

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

“सिंधिया लेडी किलर”, तृणमूलचे खासदार असं का म्हणाले? केंद्रीय मंत्र्याचंही जशास तसं प्रत्युत्तर

Chandrashekhar Bawankule : “उद्धव ठाकरेंमध्ये हिंमत असेल तर…”, चंद्रशेखर बावनकुळे यांचं खुलं आव्हान

विधानसभेला विरोधी पक्षनेता मिळणार का? अध्यक्ष राहुल नार्वेकरांनी स्पष्ट केली भूमिका

Video: “सासऱ्यांचाच आग्रह होता की…”, जयंत पाटलांच्या ‘त्या’ मुद्द्यावर देवेंद्र फडणवीसांची मिश्किल टिप्पणी!

Devendra Fadnavis : “राहुल नार्वेकर पुन्हा येईन म्हणाले नव्हते तरीही पुन्हा आले..”, देवेंद्र फडणवीस यांचं खुमासदार भाषण

Ramdas Athawale : “मी असताना राज ठाकरेंची महायुतीत गरज काय?”, रामदास आठवलेंचं मोठं विधान

हेही वाचा >>> विकासाची ‘गाडी’ रोखणाऱ्यांना प्रगतीची ‘बुलेट’ कशी दिसणार?अर्थसंकल्पावर टीका करणाऱ्यांना मुख्यमंत्री शिंदे यांचा टोला

देशमुखांच्या आरोपांना फडणवीस यांनी मुंबईत जोरदार प्रत्युत्तर दिले. ‘‘मंत्री गिरीश महाजन यांच्यावर खोट्या प्रकरणात गुन्हे दाखल करून मोक्का कायद्यानुसार कारवाई करण्यासाठी देशमुख यांनी दबाव आणल्याचा गुन्हा सीबीआयने दाखल केला आहे. देशमुख सातत्याने आरोप करीत असूनही मी शांत आहे. मी कोणावर डूख ठेवून रहात नाही व कोणाच्या नादी लागत नाही. पण कोणी माझ्या नादी लागले, तर मात्र सोडत नाही,’’ अशा शब्दांत फडणवीस यांनी देशमुखांना आव्हान दिले. देशमुख शरद पवार, उद्धव ठाकरे, पोलीस अधिकारी सचिन वाझे यांच्याबाबत काय बोलले आहेत, याच्या ध्वनिचित्रफिती त्यांच्याच पक्षातील नेत्यांनी मला आणून दिल्या आहेत. गरज भासल्यास त्या मी सार्वजनिक करेन, असा इशाराही फडणवीस यांनी दिला. त्यांचे सरकार असताना उच्च न्यायालयाच्या आदेशामुळे गुन्हा दाखल करण्यात आला होता. रोज खोटे बोलून कोणी अपप्रचार (नॅरेटिव्ह) करीत असेल, तर आपण पुराव्यांशिवाय काहीही बोलत नाही, हे त्यांनी लक्षात ठेवावे, असे फडणवीस म्हणाले. राजकीय व सार्वजनिक क्षेत्रात (इकोसिस्टीम) सुपारीबाज घुसले आहेत. त्यांच्या नादी ज्येष्ठ सामाजिक कार्यकर्ते शाम मानव का लागले, असा मला प्रश्न पडतो, असे फडणवीस म्हणाले.

शपथपत्रांवर स्वाक्षरी करावी व तसा जबाब तपास यंत्रणांना द्यावा… बदल्यात परमबीर सिंग यांनी केलेल्या आरोपांमधून सुटका होईल, असे (फडणवीसांनी पाठविलेल्या) व्यक्तीने सांगितले होते. मात्र मी नकार दिल्यामुळे १३ महिने तुरुंगात राहावे लागले. – अनिल देशमुख, माजी गृहमंत्री