“युक्रेननं आमच्या मुख्यमंत्र्यांची मदत घ्यायला हवी होती, कारण…”; झेलेन्स्कींचा उल्लेख करत फडणवीसांचं वक्तव्य

मुख्यमंत्र्याचे टोमणे आणि टोले…
विरोधी पक्षाने मांडलेल्या अंतिम आठवडा प्रस्तावाला उत्तर देताना मुख्यमंत्री ठाकरे यांनी देवेंद्र फडणवीस यांच्यासह अन्य भाजप नेत्यांचे आरोप आणि टीकेला प्रत्युत्तर देणारे भाषण केले. गृहमंत्री म्हणून गोपीनाथ मुंडे यांनी दाऊदला फरफटत आणण्याची घोषणा केली होती. पण आता दाऊदच्या मागे आपण फरफटत चाललो आहोत. अमेरिकेचे अध्यक्ष बराक ओबामा यांनी ओसामा बिन लादेनच्या नावाने मते मागितली नाहीत, तर त्यांनी घरात घुसून लादेनला ठार केले, असा टोलाही ठाकरे यांनी भाजपला लगावला. अशाप्रकारचे अनेक टोमणे आणि टोले उद्धव यांच्या भाषणामध्ये होते.

नक्की पाहा >> Photos : “वाटल्यास मला तुरुंगात टाका, पण…”, “सत्ता हवी आहे ना तर…”; मुख्यमंत्र्यांचं भाजपाला आव्हान

आणखी वाचा

Jagdeep Dhankhar : “जग आपल्याकडे पाहत आहे, तरीही आपण…” संसदेतील गदारोळावर राज्यसभेच्या सभापतींची उद्विग्न प्रतिक्रिया

Madhuri Dixit : डर चित्रपट माधुरी दीक्षितने का…

Parliament Uproar : “भाजपा खासदारांनी धक्का दिला अन् माझ्या गुडघ्याला दुखापत झाली”, सभापतींना लिहिलेले खरगेंचे पत्र व्हायरल

Girish Mahajan : “छगन भुजबळांची नाराजी आम्हाला परवडणारी नाही”, गिरीश महाजनांचं मोठं विधान

Uddhav Thackeray : उद्धव ठाकरेंच्या ‘त्या’ विधानावरून शंभुराज देसाई यांचं आव्हान; म्हणाले, “त्यांची नावं सांगा, मग आम्ही…”

Dhananjay Munde : सरपंच संतोष देशमुख हत्या प्रकरणात आरोपींना राजकीय आश्रय मिळतोय का? धनंजय मुंडेंनी दिलं स्पष्टीकरण

Dilip Walse Patil : मंत्रिपद न मिळाल्याने नाराज आहात का? दिलीप वळसे पाटलांनी दिली ‘ही’ प्रतिक्रिया; भुजबळांबाबतही केलं मोठं भाष्य

Dhananjay Munde : छगन भुजबळांच्या नाराजीवर धनंजय मुंडेंचं मोठं विधान; म्हणाले, “अजित पवार स्वत:…”

शिवाजी पार्कवरील भाषण विधानसभेत…
मात्र याच भाषणावरुन देवेंद्र फडणवीस यांनी विधानसभेमध्ये मुख्यमंत्र्यांनी मूळ मुद्दे बाजूला ठेवत शिवाजीपार्कवरील भाषण केल्याचा टोला उद्धव यांना लगावला. “मुख्यमंत्री उद्धव ठाकरे यांनी विधानसभेतील चर्चेला मुद्देसूद उत्तर द्यायला हवे होते. पण त्यांनी शिवाजी पार्कवरील भाषण विधानसभेत केले. प्राणवायू खरेदीतील भ्रष्टाचार, यशवंत जाधव यांनी गोळा केलेली बेहिशेबी संपत्ती, २१ कोटी रुपयांची टॅब खरेदी अशा विविध विषयांवर त्यांनी उत्तर दिलेले नाही,” असं फडणवीस म्हणाले.

तुम्ही म्हणजे मुंबई नाही…
स्थायी समितीचे अध्यक्ष यशवंत जाधव यांनी कोविड काळात २४ महिन्यांत अनेक मालमत्ता खरेदी केल्या यावर ते काहीही बोलले नाहीत. तुमच्या घर-गाडय़ांवर कारवाई होत आहे म्हणून ईडीचा त्रास होतो. मुळात तुम्ही म्हणजे महाराष्ट्र नाही, तुम्ही म्हणजे मुंबई नाही व तुम्ही म्हणजे मराठी नाही, अशी बोचरी टीका फडणवीस यांनी यावेळी केली.

युक्रेननं मुख्यमंत्र्यांची मदत घ्यावी…
उद्धव ठाकरेंच्या भाषणामधील टोमण्यांचा संदर्भ घेत फडणवीस यांनी रशिया युक्रेन युद्धाच्या पार्श्वभूमीवर उपहासात्मक टीका केली. युक्रेनचे राष्ट्राध्यक्ष वोलोदिमिर झेलेन्स्की यांचा उल्लेखही फडणवीस यांनी केला. “माझं तर असं मत आहे की आता युक्रेन आणि रशियाचं युद्ध चालेलं आहे. युक्रेनचे राष्ट्राध्यक्ष झेलेन्स्की हे नेटो राष्ट्रांची मदत मागत आहेत लढण्याकरता. त्यांनी नेटो राष्ट्रांची मदत मागण्यापेक्षा आमच्या मुख्यमंत्र्यांची मदत मागितली असती तर जास्त बरं झालं असतं. कारण आमच्या एक असं शस्त्र आहे, एक असा बॉम्ब आहे जो सगळ्यांवर भारीय. तो बॉम्ब म्हणजे टोमणे बॉम्ब,” असं फडणवीस यांनी म्हणताच भाजपाचे सर्व आमदार हसू लागले.

“मुख्यमंत्र्यांच्या भाषणात टोमणे सोडून बाकी काय आहे. त्यांचे भाषण म्हणजे अरण्यरुदन होते,” असा चिमटा फडणवीस यांनी काढला. 

ईडी आहे की घरगडी?
नवाब मलिकांवर तथ्यहीन आरोप केले जातात. केंद्रीय संस्था एवढय़ा पोकळ झाल्या आहेत का? नवाब मलिक दाऊदचे हस्तक होते तर आधीच कारवाई का झाली नाही? ते सातत्याने निवडून येत असताना या यंत्रणांना काहीच कसे कळले नाही. केंद्रीय यंत्रणा तेव्हा काय करत होती? दिवे लावत होती का? की थाळय़ा वाजवत होती? बाण लक्ष्यवेध करणारे हवेत, पण आता हे बाण हातात धरून खुपसले जात आहेत. ईडी एवढी बेकार आहे का, की ती तुम्ही दिलेल्या माहितीनुसार चौकशी करत आहे. ती ईडी आहे की घरगडी? काहीच कळत नाही, असा टोला मुख्यमंत्री ठाकरे यांनी लगावला.

फडणवीस यांनी दिलं उत्तर
तुमच्या घर-गाडय़ांवर कारवाई होत आहे म्हणून ईडीचा त्रास होतो. मुळात तुम्ही म्हणजे महाराष्ट्र नाही, तुम्ही म्हणजे मुंबई नाही व तुम्ही म्हणजे मराठी नाही, अशी बोचरी टीका विरोधी पक्षनेते देवेंद्र फडणवीस