६३ कोटींच्या बँक फसवणुकीप्रकरणी कंपनीच्या संचालकाला ईडीकडून अटक

मुंबई: सक्तवसुली संचलनालयाने (ईडी) मेसर्स टॉपवर्थ स्टील्स ॲण्ड पॉवर प्रायव्हेट लिमिटेडचे प्रवर्तक आणि व्यवस्थापकीय संचालक अभय नरेंद्र लोढा यांना बुधवारी अटक केली. आयडीबीआय बँकेचे ६३ कोटी रुपयांचे कर्ज फसवणुकीप्रकरणी ईडीने ही कारवाई केली. लोढा यांना विशेष न्यायालयापुढे हजर केले असता त्यांना ८ सप्टेंबरपर्यंत ईडी कोठडी सुनावण्यात आली. याप्रकरणी ईडीने मुंबई, पुण्यासह देशभरात १२ ठिकाणी छापे टाकल्याचे सूत्रांनी सांगितले.

आणखी वाचा

London–Calcutta bus service: लंडन ते कलकत्ता, सर्वाधिक लांबीचा बससेवा मार्ग; कुणी चालवली ही बससेवा? कुणासाठी?

Sushma Andhare : “माझी प्रिय भावजय” म्हणत सुषमा…

अभिनेता हेमंत ढोमेच्या कुटुंबात आली नवीन सदस्य, नाव आहे खूपच खास

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

लोहगावात साडेपाच हजार पोलिसांच्या घराचे स्वप्न लवकरच साकार

Congress : बंडखोरांविरोधात काँग्रेस अ‍ॅक्शन मोडवर, मतदानाच्या १० दिवस आधी १६ जण निलंबित

पुण्यातील कोयता गँगचा बंदोबस्त करा आणि मग आमच्या पोलीस स्टेशनवर बोला : जयंत पाटील

जर्मनीचा वॉरेन बफे : कार्ल हेलरडिंग

केंद्रीय अन्वेषण विभागाच्या (सीबीआय) मुंबई शाखेनने मेसर्स टॉपवर्थ स्टील्स आणि पॉवर प्रायव्हेट लिमिटेडविरोधात गुन्हा दाखल केला होता. त्या गुन्ह्याच्या आधारावर ईडीने याप्रकरणी आर्थिक गैरव्यवहाराबाबत तपासाला सुरूवात केली होती. त्याप्रकरणी अभय नरेंद्र लोढा आणि इतर संशयीतांशी संबधित मुंबई, पुणे, नवी दिल्ली, नागपूर आणि दुर्ग येथील १२ ठिकाणी झडती घेण्यात आली. परदेशात आणि भारतातील विविध स्थावर मालमत्ता आणि कंपन्यांच्या मालकीचे तपशील (आतापर्यंत घोषित केलेले नाहीत) शोध मोहिमेदरम्यान उघडकीस आले. विविध देशांचे सुमारे सात लाख रुपये किमतीपेक्षा अधिक परकीय चलन, विविध संशयीत कागदपत्रे आणि वस्तू जप्त करण्यात आल्या आहेत. अभय लोढा यांच्या नियंत्रणाखालील बनावट कंपन्यांची माहिती असलेला तपशीलही जप्त करण्यात आल्याचे सूत्रांनी सांगितले.

आणखी वाचा-मुंबई – पुणे द्रुतगती महामार्ग: पुण्याला जाणारी मार्गिका शुक्रवारी दोन तास बंद

आरोपींनी २०१४-१५ ते २०१६-१७ या कालावधीत लेटर ऑफ क्रेडिट/ट्रेड क्रेडिट बँक गॅरंटी या कर्ज सुविधेचा वापर करून आरोपींनी फसणूक केल्यामुळे आयडीबीआय बँकेचे ६३ कोटी १० लाख रुपयांचे नुकसान झाले होते. अभय नरेंद्र लोढा यांच्या नियंत्रणाखालील टॉपवर्थ ग्रुप ऑफ कंपन्यांनी टॉपवर्थ ग्रुप आणि त्याच्याशी संबंधित संस्थांद्वारे तीन हजार कोटी रुपयांचे संशयीत व्यवहार केल्याचे ईडीने सांगितले. याबाबत ईडी अधिक तपास करीत आहे.