प्रतिक्षा यादीत असणाऱ्यांनो… शेवटच्या क्षणी तिकीट कन्फर्म न झाल्यास रेल्वेतर्फे हवाई प्रवास

कशी असेल ही योजना

प्रथम प्रवाशांना तिकीट आरक्षणासाठीच्या प्रतिक्षा यादीत राहून तिकीट मिळण्यासाठी वाट पहावी लागेल. हे तिकीट बुकींग प्रवासाच्या तीन दिवसआधी केलेले असावे. तरीही अखेरच्या क्षणी तिकीट न मिळालेले प्रवासी या योजनेसाठी पात्र ठरतील.

या प्रवाशांना आयआरटीसीकडून ते योजनेसाठी पात्र ठरल्याचा ई-मेल पाठविण्यात येईल. त्यानंतर प्रवासी आयआरटीसीच्या वेबसाईटवर जाऊन त्यांना जायच्या असलेल्या ठिकाणी हवाई सेवा उपलब्ध आहे की नाही याची माहिती घेऊ शकतात.

मात्र, प्रवाशांनी आधी नमूद केलले स्थानक किंवा आजुबाजुच्या परिसरासाठीच ही सुविधा उपलब्ध असेल. प्रवाशांना हा पर्याय मान्य असल्यास ते नेक्स्ट डे बटनावर क्लिक करून विमानाचे बुकींग करू शकतात.  

प्रवाशांना हवाई सेवेचे पूर्ण शुल्क भरावे लागेल. तिकीटासाठी दिलेली रक्कम हे शुल्क भरून घेताना परस्पर वळती करता येणार नाही. त्यासाठी तिकीटाचे पैसे परत मिळवण्याच्या नेहमीच्या प्रक्रियेचा अवलंब केला जाईल.

शेवटची आणि सर्वात महत्त्वाची सूचना. ही सर्व व्यवस्था आयत्यावेळी करण्यात आल्यामुळे संबंधित प्रवाशाचे विमान चुकल्यास रेल्वे जबाबदार राहणार नाही.