मद्यधुंद तरूणाने केली बेस्ट बसची तोडफोड, बसचालक आणि पोलिसाला मारहाण

कफ परेड पोलीस ठाण्यात कार्यरत असलेले पोलीस शिपाई विनायक जयकर (४०) परिसरात गस्त घालत होते. त्यावेळी आरोपी आसिफ हमीद शेखने आंबेडकर नगर येथून सीएसटीकडे जाणाऱ्या बेस्ट बसची पुढील काच व वायपर तोडल्याचे जयकर यांच्या निदर्शनास आले. आरोपीने बस अडवल्यामुळे वाहतूक कोंडी झाली होती. त्याला जाब विचारणारे बसचालक हेमंत कदम यांनाही आसिफने मारहाण केली. हा प्रकार पाहून जयकर तेथे गेले. त्यावेळी आरोपी त्यांच्याही अंगावर धावून गेला. तसेच आरोपीने त्यांना मारहाण केली. आरोपीने जयकर यांचा गणवेशही फाडला. या प्रकारानंतर सरकारी कामात अडथळा निर्माण केल्याप्रकरणी कफ परेड पोलिसांनी आसिफला अटक केली. यापूर्वी अंमलीपदार्थांचे सेवन केल्याप्रकरणी आसिफला अटक करण्यात आली होती. घटनेनंतर बेस्ट कर्मचारी कदम व पोलीस शिपाई जयकर यांच्यावर जी.टी रुग्णालयात उपचार करण्यात आले. आरोपीला घटनास्थळावरून ताब्यात घेऊन त्याच्याविरूद्ध गुन्हा दाखल करण्यात आला. त्यानंतर त्याला अटक करण्यात आल्याचे पोलिसांनी सांगितले.

आणखी वाचा

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

महायुतीला सत्ता मिळाली, लाडक्या बहिणींना २१०० रुपये कधीपासून…

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

वाहतूक पोलिसांना धक्काबुक्की करणाऱ्या दाम्पत्याविरुद्ध गुन्हा, कारवाई टाळण्यासाठी बनावट वाहन क्रमांकाची पाटी

मुंबई : गस्तीवर असलेल्या पोलीस अधिकाऱ्यावर हल्ला