रस्ते नको, कामे आवरा! अर्धवट काँक्रीटीकरण, खड्डे, पाणी साचण्यामुळे वाहतूक व्यवस्थेची बिकट ‘वाट’

येत्या दोन वर्षांत मुंबईतील रस्ते खड्डेमुक्त करण्याच्या सूचना मुख्यमंत्री एकनाथ शिंदे यांनी मुंबई महापालिकेला दिल्यानंतर पालिकेने फेब्रुवारीमध्ये रस्त्यांच्या कामांचा शुभारंभ झाला. मात्र, त्यानंतर विविध कारणांमुळे प्रत्यक्ष कामे सुरू होण्यास विलंब झाला. नियमाप्रमाणे एक जूनला ही कामे थांबवावी लागली. त्यामुळे जवळपास ५० रस्त्यांवरील कामे थांबली आहेत. ही कामे सुरक्षित पद्धतीने बंद करण्यात आल्याचे पालिकेने म्हटले आहे. मात्र, अनेक रस्त्यांवर पसरलेली खडी, विखुरलेले बॅरिकेड्स पाहायला मिळत आहेत. त्यातच अर्धवट काम झालेल्या रस्त्यांवर पाणी साचणे, खड्डे यांमुळे वाहतुकीत अडथळे येत आहेत. दरम्यान, या कामांची जबाबदारी पूर्णपणे कंत्राटदारांची असल्याचे पालिकेचे अतिरिक्त आयुक्त पी वेलरासू यांनी स्पष्ट केले. कंत्राटदारांनी या रस्त्यावरील खड्डे न भरल्यास त्यांच्यावर दंडात्मक कारवाई केली जाईल, असेही त्यांनी स्पष्ट केले.

आणखी वाचा

नागपूर : बंद वाहतूक सिग्नल; वाहनचालकांना मन:स्ताप, महापालिका-वाहतूक पोलिसांचे दुर्लक्ष

महायुतीला सत्ता मिळाली, लाडक्या बहिणींना २१०० रुपये कधीपासून…

लोकसभेतील अपयशानंतर ‘भारत जोडो’सारख्या शक्तींवर मात; विधानसभेत प्रभाव नसल्याचे देवेंद्र फडणवीस यांचे प्रतिपादन

“शेतकऱ्यांचा सातबारा कोरा करू”, उपमुख्यमंत्री देवेंद्र फडणवीस यांची घोषणा

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

आमचे सरकार आल्यानंतर नि:क्षारीकरण प्रकल्प पुन्हा राबवणार; आदित्य ठाकरे

ठाणे जिल्ह्यातही फारसे वेगळे चित्र नाही. ठाणे शहरातून जाणारा मुंबई-नाशिक महामार्ग, शिळफाटा, घोडबंदर तसेच अंतर्गत मार्गावर कोंडी होत आहे. ठाण्यात पालिकेच्या माध्यमातून रस्ते दुरुस्ती पावसाळय़ातही सुरू असल्याचे दिसते. यामुळे अंतर्गत मार्गावरही वाहतूक संथगतीने सुरू असते. मेट्रो कामांमुळे घोडबंदर, पूर्व द्रुतगती महामार्गावर एमएमआरडीएने लोखंडी मार्गावरोधक बसविले आहे. तेही वाहतुकीत अडथळा ठरत आहेत. भिवंडी-कशेळी मार्ग, कल्याण येथील शिवाजी चौक, डोंबिवली येथील एमआयडीसी भागातही अर्धवट कामांमुळे रस्त्यावर पाणी साचण्याचे प्रकार घडत आहेत. त्याला खराब रस्त्यांची जोड आहेच. नवी मुंबई, वसई या शहरांमध्येही अर्धवट रस्ते कामे त्रासदायक ठरत आहेत. वसई-विरार शहरांत नाले उभारणीची कामे अर्धवट अवस्थेत असून त्याचे बांधकाम साहित्य रस्त्यावर पसरून वाहतुकीत बाधा ठरत आहे.