ईडीचे मुंबई, कर्जत, बारामती व पुण्यात छापे, श्री शिव पार्वती साखर कारखाना व संचालकाविरोधातील प्रकरणात कारवाई

श्री शिव पार्वती साखर कारखाना लि.चे संचालक व इतर आरोपींविरोधात बेकायदेशीर फायदा मिळवण्यासाठी बनावट खाते, बनावट कागदपत्रे तयार केल्याच्या आरोपाखाली केंद्रीय अन्वेषण विभागाने (सीबीआय) गुन्हा दाखल केला होता. त्याच गुन्ह्यांच्या आधारावर ईडी याप्रकरणी तपास करत आहेत. ईडीच्या तपासानुसार, कंपनी मे श्री शिव पार्वती साखर कारखाना लिमिटेडने १०० कोटी रुपयांचे कर्ज बँकांकडून घेतले. कर्जाच्या अटीप्रमाणे आवश्यक प्रकल्पासाठी कर्जातील ७१ कोटी १९ लाख रुपये गुंतवणे अपेक्षित होते, पण तसे करण्यात आलेले नाही. त्यानंतर कंपनीचे संचालक आणि त्यांची उपकंपन्या मे. तासगावकर कन्स्ट्रक्शन लिमिटेड; मे. तासगावकर इंडस्ट्रीज लि. आणि तिचे सहयोगी मे. हायटेक इंजिनिअरिंग कॉर्पोरेशन इंडिया प्रा. लि. यांच्याकडे कर्जाची रक्कम वळवण्यात आली. त्यामुळे कंपनीचे नुकसान झाले. त्यातून त्यांना फायदा झाल्याचे ईडीच्या तपासात निष्पन्न झाले आहे. याप्रकरणी ईडी अधिक तपास करत आहे.

आणखी वाचा

पिंपरी : मानधनाची २१ लाखांची बोगस बिले लाटली; दाेन वैद्यकीय अधिकाऱ्यांवर पाचशे रुपये…

कल्याण मारहाण प्रकरण: “तो म्हणाला मुख्यमंत्री कार्यालयातून एक…

साखर कारखाना कामगारांचा संपाचा इशारा; वेतनवाढीसाठी सरकारकडून समितीची घोषणा

मुंबईतून अमलीपदार्थ आणि शस्त्रांचा साठा जप्त; साडेतीन कोटींच्या मुद्देमालासह पवईतून एकाला अटक

सेंद्रीय, नैसर्गिक शेतीच्या फक्त घोषणाच; जाणून घ्या, युरियासह अन्य खतांचा वापर किती वाढला

पीएनबी गैरव्यवहार प्रकरणः मेहूल चोक्सीविरोधात ईडीची मोठी कारवाई, १२५ कोटींच्या मालमत्ता फसवणूक झालेल्या बँकांना सुपूर्त करण्याच्या प्रक्रियेला सुरूवात

पदावरील खाद्यापदार्थ विक्रेत्यांची अशीही चलाखी उघड; पोलीस, महापालिकेनेच दाखवली पळवाट?

राजारामबापू’च्या ऊसदरास शेतकरी संघटनांचा विरोध, ‘स्वाभिमानी’चा आंदोलनाचा इशारा

हेही वाचा – मुंबईत जूनच्या तुलनेत साथीच्या आजारांत दुपटीने वाढ

हेही वाच – वेब मालिकेच्या नावाखाली हरियाणातील व्यावसायिकाची फसवणूक

बीडच्या धारूर तालुक्यातल्या मुंगी गावच्या पांडुरंग सोळंके यांनी २०१० साली शिवपार्वती सहकारी साखर कारखान्याची उभारणी करायला सुरुवात केली. त्यात त्यांनी नंदकुमार तासगावकर आणि राजेश तासगावकर यांना सोबत घेऊन एक सामंजस्य करार केला होता. त्यानंतर २०१३ मध्ये याच कारखान्याच्या नावावर तासगावकर कुटुंबीयांनी १०६ कोटी रुपयांचे कर्ज पंजाब नॅशनल बँक आणि इतर दोन बँकांकडून घेतले होते. पुढे हा कारखाना दिवाळखोरीत निघाला. याप्रकरणी शिवपार्वती साखर कारखान्याचे बनावट दस्तऐवज तयार करून कारखाना स्वतःच्या नावावर घेऊन कोट्यावधी रुपयांचा गैरव्यवहार केल्याप्रकरणी पांडुरंग सोळंके यांनी २०२२ मध्ये बीडच्या पोलीस अधीक्षकांकडे तक्रार केली होती. तसेच त्यावेळी बँकांनीही लिलाव प्रक्रिया सुरू केली होती.