‘मेट्रो २ अ’, ‘मेट्रो ७’ मार्गिकेवर सोमवारपासून आठ अधिक फेऱ्या, प्रवाशांच्या वाढत्या संख्येमुळे ‘एमएमएमओसीएल’चा निर्णय

 ‘मेट्रो २ अ’ आणि ‘मेट्रो ७’ मार्गिका पूर्ण क्षमतेने कार्यान्वित झाल्या लागल्या असून या मार्गिकांवरील प्रवासी संख्या वाढू लागली आहे. प्रवाशांच्या संख्येने नुकताच दोन कोटींचा टप्पा पार केला आहे. ही संख्या लक्षात घेता एमएमएमओसीएलने फेऱ्यांमध्ये वाढ केली आहे. सोमवारपासून या दोन्ही मार्गिकांवर आठ फेऱ्या वाढविण्यात येणार आहेत. त्यामुळे आता दिवसाला एकूण २४५ ऐवजी २५३ फेऱ्या होणार आहेत. वाढीव फेऱ्यामुळे  गाडय़ांची वारंवारता गर्दीच्या वेळी ७ मिनिटे ५० सेकंदाऐवजी  ७ मिनिटे २८ सेकंद अशी असणार आहे. गर्दी नसताना वारंवारता १० मिनिटे २५ सेकंद अशी असणार आहे.

आणखी वाचा

स्वारगेट भागात दोन दिवस वाहतूक बदल, मतदान साहित्याच्या वाहतुकीसाठी पीएमपी बस

Nana Patole : निकालाआधी राजकीय घडामोडींना वेग; यातच…

शहरबात : नाकाबंदीचे फलित

ठाणे जिल्ह्याच्या प्रचारातून वाहतूक कोंडीचा मुद्दाच हरवला

बंदोबस्ताची रंगीत तालीम; मध्यभागात वाहतूक कोंडी

दोन स्थानकांमध्ये भुयारात मेट्रो बंद, एमएमआरसीकडून प्रवाशांची सुखरूप सुटका

Railway Platform Tickets Available : फलाट तिकीट पुन्हा उपलब्ध

मुंबईतील हवेचा दर्जा मध्यम श्रेणीतच

 गर्दीच्या वेळी शनिवारी वारंवारता ८ मिनिटे १५ सेकंद तर, गर्दी नसताना १० मिनिटे २५ सेकंद अशी असेल. या दोन्ही मार्गिकांवर शनिवारी मेट्रोच्या केवळ २३८ फेऱ्या होतील. रविवार आणि महत्त्वाच्या सरकारी सुट्टीच्या दिवशी मेट्रोच्या २०५ फेऱ्या होतील. या दिवशी गाडय़ांची वारंवारता १० मिनिटे ३० सेकंद अशी असणार आहे. दरम्यान, या दोन्ही मार्गिकांसाठी ३० मेट्रो गाडय़ा सेवेत असून यातील २७ गाडय़ा कार्यान्वित आहेत.