मतदार यादीसोबत मतदारांचा मोबाइल क्रमांक जोडणार, ‘या’ तारखेपर्यंत नव मतदारांना अद्ययावतीकरण करता येणार

महाराष्ट्र विधानसभा निवडणुकीच्या पार्श्वभूमीवर निवडणूक आयोगाने राज्यात यावर्षीच्या दुसऱ्या विशेष संक्षित पुनरीक्षण कार्यक्रमाची घोषणा केली आहे. यात मतदारांसाठी दावे आणि हरकतींसाठी २० ऑगस्ट २०२४ पर्यंतचा कालावधी निश्चित केला आहे. मतदार यादीतील नावाबाबतची माहिती अद्ययावत करण्याबरोबरच यंदा मोबाइल क्रमांक जोडण्याची सुविधाही उपलब्ध करण्यात आली आहे. मतदार यादीतील नावासोबत मोबाइल क्रमांक जोडल्याने निवडणूक आयोगाकडून वेळोवेळी निर्गमित होणाऱ्या विविध सूचना आणि माहिती नागरिकांना आपल्या मोबाईलवर मिळणे शक्य होणार आहे.

हेही वाचा – मुंबई : पवईतून मगरीची सुटका

हेही वाचा – वरळी बीडीडी चाळ पुनर्विकास : ५५० घरांचा ताबा मार्च २०२५ मध्ये

आपला मोबाइल क्रमांक अद्ययावत केल्यास निवडणूक आयोगाच्या electoralsearch.eci.gov.in या संकेतस्थळाद्वारे, तसेच Voter Helpline मोबाइल ॲपद्वारे मतदार यादीतील आपल्या नावाचा सुलभतेने शोध घेता येतो. ई – मतदार ओळखपत्र डाऊनलोड करता येते. पूर्वी मतदार नोंदणी व इतर सेवा ऑफलाईन स्वरुपाच्या होत्या. त्यामुळे बहुतांश मतदार ओळखपत्रधारकाचे मोबाइल क्रमांक जोडलेले नाहीत. त्यामुळे मोबाइल क्रमांक जोडण्याची आवश्यकता आहे. एका मोबाइल क्रमांकाचा वापर फक्त एकाच मतदार ओळखपत्रासाठी करावा, असेही आवाहन पालिका प्रशासनाने केले आहे.