Maharashtra Vidhan Sabha Election 2024 : धारावीत मतदानाचा उत्साह; पुनर्विकास प्रकल्पाचीही चर्चा

धारावीत वस्त्यावस्त्यांमध्ये विविध सोयी-सुविधांसह मतदान केंद्रांची व्यवस्था करण्यात आली होती. या मतदान केंद्रांवर शेवटच्या क्षणापर्यंत मतदारांचा ओघ दिसत होता.

dharavi redevelopment project issue in Maharashtra Vidhan Sabha Election 2024

(संग्रहित छायाचित्र) लोकसत्ता टीम

मुंबई : राज्यातील विधानसभा निवडणुकीसाठी आशिया खंडातील सर्वात मोठी झोपडपट्टी अशी ओळख असलेल्या धारावी विधानसभा मतदारसंघातही मतदारांमध्ये उत्साह दिसत होता. तसेच लोकसभा निवडणुकीप्रमाणे यंदाही विधानसभा निवडणुकीत धारावी पुनर्विकास प्रकल्पाचा मुद्दा केंद्रस्थानी होता. कोणताही अनुचित प्रकार घडू नये, यासाठी धारावीतील रस्त्यांच्या दुतर्फा आणि चौकाचौकात पोलिसांचा मोठा फौजफाटा तैनात करण्यात आल्यामुळे धारावीला छावणीचे स्वरूप प्राप्त झाले होते.

दरम्यान, धारावीच्या गल्लीबोळातील बहुसंख्य दुकाने ही मतदानाच्या दिवशी बंद ठेवण्यात आली होती. त्यामुळे ऐन मतदानाच्या दिवशी धारावीतील रस्त्यांवर काहीसा शुकशुकाट दिसत होता. धारावीत वस्त्यावस्त्यांमध्ये विविध सोयी-सुविधांसह मतदान केंद्रांची व्यवस्था करण्यात आली होती. या मतदान केंद्रांवर शेवटच्या क्षणापर्यंत मतदारांचा ओघ दिसत होता. तसेच ठिकठिकाणी विविध राजकीय पक्षांचे माहिती देणारे कक्ष उभारण्यात आले होते आणि या कक्षांभोवती निरनिराळ्या शंकांचे निरसन करण्यासाठी नागरिकांचे घोळके जमलेले दिसत होते. धारावी विधानसभा मतदारसंघात महाविकास आघाडीतर्फे काँग्रेसच्या ज्योती एकनाथ गायकवाड, महायुतीतील शिवसेनेचे (एकनाथ शिंदे) राजेश खंदारे आणि बहुजन समाज पक्षाचे मनोहर रायबागे निवडणूक लढवत आहेत.

आणखी वाचा

Maharashtra Vidhan Sabha Nivadnuk 2024 Updates in Marathi

Maharashtra Vidhan Sabha Election 2024 : प्रचार थांबला; आता चेंडू मतदारांच्या कोर्टात, २० नोव्हेंबरची प्रतिक्षा

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

mumbai This election polling stations increased and started in housing societies to avoid evening crowding

साडेसहाशे गृहनिर्माण संस्थांमध्ये होणार मतदान, मुंबईत प्रथमच मोठ्या स्तरावर प्रयोग, मतदान वाढण्याची अपेक्षा

minister chandrakant patil express claim about bjps vote share increasing in loksatta loksamvad

मतदान वाढेल; फायदा भाजपला ; चंद्रकांत पाटील यांचा दावा

maharashtra assembly election 2024 polarization of buddhist vs hindu dalit votes in umred nagpur constituency

उमरेडमध्ये बौद्ध विरुद्ध हिंदू दलित मतांचे ध्रुवीकरण कोणाच्या पथ्यावर ?

election day fun facts election day activities voting activities on Election Day

मतदान दिनाच्या गमतीजमती!

एकदाच मतदान करण्याचा अधिकार…पण, या गावात मात्र दोन वर्षांत चौथ्यांदा…

Assembly Election 2024, Chandrapur District, Chandrapur, Ballarpur, Rajura, Varora, Chimur, Bramhapuri,

निवडणुकीच्या रणधुमाळीत पक्षप्रवेश, समर्थन अन् जेवणावळींना वेग

हेही वाचा >>> Maharashtra Assembly Election 2024 : सोयी-सुविधांमुळे मतदान सुसह्य; मतदारांमध्ये मात्र निरुत्साह

काँग्रेसने ज्योती गायकवाड यांच्या विजयासाठी मोर्चेबांधणी सुरू होती. या पार्श्वभूमीवर मतदानाच्या दिवशीही उत्तर मध्य मुंबईच्या काँग्रेसच्या खासदार वर्षा गायकवाड आणि त्यांचे पती राजू गोडसे, स्वतः उमेदवार ज्योती गायकवाड आणि त्यांचे पती गणेश गिरीगोसावी हे धारावी विधानसभा मतदारसंघात फिरून मतदान केंद्रावरील प्रक्रियेचा आढावा घेत होते. तसेच मतदान संपण्याच्या शेवटच्या क्षणी ज्योती गायकवाड यांनी धारावीतील महात्मा गांधी मार्गावरील ‘धारावी ट्रान्झिट कॅम्प’ शाळेतील मतदान केंद्राला भेट देऊन आढावा घेतला, तेव्हा मतदारांना त्यांच्याशी फोटो काढण्याचा मोह आवरला नाही. इतर उमेदवारांनीही मतदानाच्या दिवशी मतदारसंघ पिंजून काढण्यावर भर दिला. विशेष बाब म्हणजे लोकसभा निवडणुकीप्रमाणे विधानसभा निवडणुकीलाही रंगाचा अभिनव आणि कल्पकतेने वापर करून सजवलेले ‘धारावी ट्रान्झिट कॅम्प’ शाळेतील मतदान केंद्र सर्वांचे लक्ष वेधून घेत होते. या मतदान केंद्रावर शेवटच्या क्षणीही मतदारांचा ओघ वाढला होता.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Enthusiasm among the voters in dharavi assembly constituency redevelopment project issue in maharashtra vidhan sabha election 2024 mumbai print news zws