वृक्षछाटणीविरोधात पर्यावरणप्रेमी आक्रमक ; आरेमध्ये दिवसभर तणाव : आज याचिका

आंध्र प्रदेशातून मेट्रोचे दोन डबे मुंबईच्या दिशेने निघाले आहेत. पुढील आठवडय़ापासून डबे मुंबईत दाखल होण्याची शक्यता आहे. हे डबे मरोळ-मरोशी येथील तात्पुरत्या कारशेडमध्ये नेण्यासाठी आरेत मुंबई पालिकेची परवानगी घेऊन सोमवारी सकाळी वृक्षछाटणी सुरू करण्यात आली. त्यासाठी आरेत जाणारे रस्ते बंद करण्यात आले, बेस्ट वाहतूक वळविण्यात आली तसेच मोठय़ा संख्येने पोलीस बंदोबस्तही ठेवण्यात आला. ‘एमएमआरसी’ आणि पोलिसांच्या या कार्यपद्धतीवर पर्यावरणप्रेमींनी संशय व्यक्त करून वृक्षछाटणीला विरोध केला. दुपारपासून आरेत तणावाची स्थिती होती़  रात्री उशिरापर्यंत आरेत तणाव होता. रात्री साडेआठनंतर पोलिसांनी चारही जणांची सुटका केली.