भाजपच्या प्रदेश सचिवपदाचे बनावट नियुक्तीपत्र, प्रदेशाध्यक्ष चंद्रशेखर बावनकुळे यांच्या बनावट लेटरहेडचा वापर

भाजपच्या महाराष्ट्र प्रदेश कार्यालयातील पदाधिकारी मुकुंद कुलकर्णी (६१) यांनी याबाबत तक्रारी केली होती. त्यानुसार मरिन ड्राईव्ह पोलिसांनी याप्रकरणी बनावट कागदपत्र तयार करणे, बनावट कागदपत्राद्वारे दिशाभूल केल्याप्रकरणी राजू वैष्णव याच्याविरोधात गुन्हा दाखल केला आहे. सूत्रांनी दिलेल्या माहितीनुसार, आरोपीने प्रदेशाध्यक्ष बावनकुळे यांच्या बनावट लेटरहेडचा वापर केला. त्या माध्यमातून राजू वैष्णव याची प्रदेश सचिवपदी नियुक्ती केल्याचे पत्र तयार करण्यात आले. पण समाज माध्यमांवर ते पत्र प्रसारित होताच राजकीय वर्तुळात जोरदार चर्चा सुरू झाली.

आणखी वाचा

भाजपकडून पाेलीस बंदाेबस्तात पैशांचे वाटप? ‘मविआ’चा आरोप, महायुतीचेही प्रत्युत्तर..

महायुतीला सत्ता मिळाली, लाडक्या बहिणींना २१०० रुपये कधीपासून…

पिंपरी : अपहरण, मारहाण प्रकरणी भाजपच्या माजी नगरसेविकेचा पती, माजी स्वीकृत सदस्यासह ११ जणांवर गुन्हा

भाजपचे राष्ट्रीय सरचिटणीस विनोद तावडे यांचे मोठे वक्तव्य, म्हणाले…!

भाजपच्या लेखी शेतकरी, विद्यार्थी शहरी नक्षलवादी! आदित्य ठाकरे यांची टीका

पुणे महापालिकेच्या उपायुक्तासह शिक्षणाधिकारी, लिपिकाविरुद्ध गुन्हा दाखल; बनावट पदवी सेवा पुस्तिकेत जोडून महापालिकेची फसवणूक

नाशिक पूर्वमध्ये भाजप-शरद पवार गटात वाद; वाहनाची तोडफोड, पैसे वाटपाची तक्रार

हेही वाचा…ठाणे – बोरिवली दुहेरी बोगद्याच्या भूमिपूजनाचा मार्ग मोकळा, अखेर केंद्रीय वन्यजीव मंडळाची परवानगी मिळाली

वैष्णव याला समाज माध्यमांवर अनेकजण शुभेच्छा देऊ लागले. स्थानिक पदाधिकाऱ्यांना याबाबतची माहिती मिळाली. त्यांनी याबाबत वरिष्ठ नेत्यांकडे विचारणा केली. पण अशी कोणतीही नियुक्ती प्रदेश कार्यालयातून करण्यात आली नसल्याचे उघड झाले. त्यामुळे याप्रकरणी प्रदेश कार्यालयाकडून मरीन ड्राईव्ह पोलिसांकडे तक्रार करण्यात आली आहे. तक्रारीनंतर पोलिसांनी गुन्हा दाखल केला. आरोपीची माहिती मिळाल्यानंतर एक पथक आरोपीच्या शोधात रवाना करण्यात आले. पण अद्याप तो हाती लागला नसल्याचे सूत्रांनी सांगितले. आरोपीच्या चौकशीनंतर हा प्रकार का करण्यात आला, ते स्पष्ट होऊ शकेल. तसेच आरोपीने स्वतः हे नियुक्तीपत्र तयार केले की त्याला कोणी बनवून दिले, ही बाबही चौकशीनंतर स्पष्ट होईल, असे अधिकाऱ्याने सांगितले.