Mumbai Crime : मुंबईत महिला डॉक्टरला मारहाण, रक्ताने माखलेले कापसाचे बोळे फेकले आणि..; मद्यधुंद अवस्थेत रुग्णाचा राडा

नेमकं काय घडलं? पोलिसांनी काय सांगितलं?

पोलिसांनी दिलेल्या माहितीनुसार एका रुग्णाने मद्यधुंद अवस्थेत राडा घातला आणि एका महिला डॉक्टरला मारहाण ( Mumbai Crime ) केली. एक माणूस जखमी अवस्थेत लोकमान्य टिळक रुग्णालयात आला. त्याला गंभीर इजा झाली होती आणि त्याच्या जखमेला टाके घालावे लागणार होते. इतर डॉक्टरांनी त्याला आधीच टाके घातले होते आणि त्याच्या जखमेत अडकलेला कापूस डॉक्टर काढत होत्या, हे करावं लागतं कारण काय झालं आहे ते पाहण्यासाठी जखम मोकळी करावी लागते. त्यावेळी या रुग्णाला वेदना होऊ लागल्या ज्यानंतर त्याने ( Mumbai Crime ) डॉक्टरला ढकललं. या रुग्णाने मद्यपान केलं होतं अशी माहितीही समोर आली आहे. आम्ही याबाबत अधिक माहिती घेत आहोत असं पोलिसांनी स्पष्ट केलं. पोलिसांनी या प्रकरणात गुन्हा नोंदवला आहे. राज्य आरोग्य सेवा हिंसाचार प्रतिबंध कायद्याच्या अंतर्गत हा गुन्हा नोंद करण्यात आला आहे.

आणखी वाचा

Jhansi Hospital Fire : नर्सने काडीपेटी पेटवली अन्… १० अर्भकांचा जीव घेणाऱ्या झाशी रुग्णालयात आग कशी लागली?

१८ नोव्हेंबर पंचांग: संकष्टी चतुर्थी १२ पैकी कोणत्या…

वेदनादायी मेनिन्जिओमाच्या दुर्मीळ विकारावर महिलेची मात!

डॉक्टरांच्या आंदोलनानंतर व्ही. एन. देसाई रुग्णालयाच्या सुरक्षा रक्षकांमध्ये वाढ, मुंबई महानगरपालिका आयुक्तांसोबतच्या चर्चेनंतर निघाला तोडगा

मुंबई: हातावर गोंदवलेल्या प्रेयसीच्या नावामुळे लागला हत्येचा छडा, प्रेमप्रकरणावरून बिहारमधील तरुणाची मुंबईत हत्या

Chennai : कॅन्सरग्रस्त महिलेच्या मुलाचा डॉक्टरवर चाकुने हल्ला; मुख्यमंत्र्यांचे चौकशीचे आदेश

नातेवाईकांकडून मारहाण झाल्याने डॉक्टर आक्रमक; व्ही. एन. देसाई रुग्णालयातील बालरोग विभाग डॉक्टरांनी ठेवले बंद

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

हे पण वाचा- Mumbai Local : दंड मागितल्याने टीसीला मारहाण; शर्ट फाडला, बुक्के मारले आणि.., विरार एसी लोकलमधला व्हिडीओ व्हायरल

मार्डच्या डॉक्टरची पोस्ट

मार्डचे सदस्य असलेले डॉक्टर अक्षय मोरे यांनी यासंदर्भातली एक पोस्ट लिहिली आहे. त्यांनी म्हटलं आहे की सायन रुग्णालयात हिंसाचाराची घटना घडली. पहाटे काही लोकांचा जमाव आला. त्यानंतर त्यातल्या काही जणांनी महिला डॉक्टरला मारहाण ( Mumbai Crime ) केली. त्यात ही महिला डॉक्टर जखमी झाली आहे. मद्यधुंद अवस्थेतल्या रुग्णाने आणि त्याच्या सहकाऱ्यांनी महिला डॉक्टरच्या दिशेने रक्ताने माखलेले कापसाचे बोळेही फेकले. तसंच तिला नखांनी ओरखडलं त्याचप्रमाणे मारहाण कल असंही या पोस्टमध्ये म्हटलं आहे. डॉक्टरांच्या सुरक्षेचा प्रश्न या घटनेमुळे पुन्हा ऐरणीवर आला आहे असंही या डॉक्टरने म्हटलं आहे. टाइम्स ऑफ इंडियाने हे वृत्त दिलं आहे.

रुग्ण मद्यपान करुनच रुग्णालयात आला होता

“रुग्ण हा त्याच्या सात ते आठ साथीदारांसह आला होता. त्याने मद्यपान केलं होतं. तो कुणालातरी मारहाण करुन आला होता. त्यामुळे त्याच्या चेहऱ्यावर जखमा होत्या. पहाटे साडेतीनच्या दरम्यान महिला डॉक्टर तपास होती. त्यासाठी आधीपासून जखमेची पट्टी काढावी लागणार होती. ही नॉर्मल प्रोसिजर आहे. नेमकं काय घडलं आहे हे पाहण्यासाठी जखमेची पट्टी काढावी लागते. यानंतर या रुग्णाने तिला शिव्या देण्यास सुरुवात केली. रुग्ण ओरडू लागल्याने इतर नातेवाईकांनी तिला शिव्या द्यायया सुरुवात केली. तिच्या दिशेने रक्ताने माखलेले बोळे फेकले. त्यावेळी महिला डॉक्टरांनी सुरक्षा रक्षकाला बोलवलं म्हणून तिला गंभीर स्वरुपातली मारहाण झाली नाही.” असं अक्षय मोरे यांनी सांगितलं आहे.

मागच्या आठवड्यात एका मार्डच्या डॉक्टरचा काही रुग्णांनी पहाटे दोन वाजता पाठलाग केला. आमचा हा सहकारी त्याचं काम संपवून हॉस्टेलवर येत होता जे रुग्णालयाच्या परिसरापासून थोडं लांब आहे. तिथे त्याचा काही लोक पाठलाग करत होते ही घटनाही या डॉक्टरने सांगितली आहे.