लोकसत्ता प्रतिनिधी
मुंबई : माहीम येथील जैन मंदिरानजीकच्या कपडे बाजारातील एका इमारतीमधील एका सदनिकेत सोमवारी सकाळी आठच्या सुमारास अचानक आग लागली. या दुर्घटनेत कोणीही जखमी झाले नाही.
आणखी वाचा-मुंबईतील पहिली भुयारी मेट्रो आजपासून धावणार
मोहित हाईट्स या अकरा मजली इमारतीच्या चौथ्या मजल्यावरील सदनिका क्र. ४०३ मध्ये सोमवारी सकाळी आग लागली. दुर्घटनेची माहिती मिळताच अग्निशमन दलाच्या जवानांनी घटनास्थळी धाव घेऊन मदतकार्य हाती घेतले आणि आगीवर तात्काळ नियंत्रण मिळविले. या आगीत विद्युत यंत्रणा, विद्युत तारा, एसी, इतर घरगुती सामान जळून खाक झाले.
