व्हिडिओ : ‘कॉमेडी नाईट्स विथ कपिल’च्या सेटला आग

गोरेगांव चित्रनगरीत आज (बुधवार) सकाळी गेट नं. १ जवळ आग लागली. हा सेट ‘कॉमेडी नाईट्स विथ कपिल’ या कार्यक्रमासाठी तयार करण्यात आला होता. अग्निशमन दलाच्या अधिका-यांनी दिलेल्या माहितीनुसार सकाळी सव्वाआठच्या सुमारास ही आग लागली.
आगीची माहिती मिळताच अग्निशमनदलाचे ४ बंब, ४ जेट्टी आणि एक रूग्णवाहिका घटनास्थळी रवाना झाल्या आणि आग आटोक्यात आणली. या घटनेत कुठलाही जीवितहानी झाली नसली तरी सेटचे काही प्रमाणात नुकसान झाले आहे. आगीचे कारण अद्याप समजू शकलेले नाही.