टास्कच्या नादात ४३ लाखांची फसवणूक; पाच जणांना ओडिसामधून अटक,सायबर पोलिसांची कारवाई

सायबर पोलिसांनी या कारवाईत प्रमोदकुमार रवींद्र बेहेरा ( २६ ), राकेशकुमार हरिराम चौधरी (२५), सूर्वेदू निरंकर दास (३०), जयदीप अमरकुमार परिडा (२४), मनोजकुमार अदिचरम राउत (२९) यांना अटक केली. सायबर पोलिसांनी दिलेल्या माहितीनुसार, तक्रारदारांना व्हॉटस ॲपद्वारे संपर्क साधून एका सोशल मीडिया मार्केटिंग कंपनीच्या ह्युमन रिसोर्स डिपार्टमेंटमधून बोलत असल्याचे सांगण्यात आले. तसेच अर्धवेळ नोकरी देण्याचे आमिषही दाखविण्यात आले. त्यानंतर तक्रारदारांना इंस्टाग्राम खात्याच्या यु.आर.एल. लिंक्स व युझर नेम पाठविण्यात आले. संबंधित इंस्टाग्राम अकाऊंटला फॉलो करून त्याची छायाचित्रे पाठविण्याची सूचना करून तक्रारदारांना टास्क पूर्ण करण्याचे काम देण्यात आले. तक्रारदाराने टास्क पूर्व करताच त्यांच्या खात्यात पैसे जमा होण्यास सुरुवात झाली. त्यामुळे, त्यांचा विश्वास बसला. पुढे जास्तीच्या नफ्याचे आमिष दाखवून त्यांना टास्क पूर्ण करताना गुंतवणूक करण्यास भाग पाडण्यात आले. या टोळीच्या जाळ्यात अडकून त्यांनी ४३ लाख ६२ हजार रुपये गुंतवले. मात्र ना नफा मिळाला ना गुंतवलेली रक्कम. अखेर त्यांनी सायबर पोलिसांत धाव घेतली आणि याप्रकरणी तक्रार केली. त्यानुसार, पश्चिम विभाग सायबर पोलिसांनी याप्रकरणी गुन्हा नोंदवून तपास सुरू केला.

आणखी वाचा

डिजिटल अटक ते रोमान्स स्कॅम : ऑनलाइन घोटाळ्यांना लोक कसे बळी पडत आहेत? काय आहेत फसवणुकीचे नवीन प्रकार?

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

सायबर गुन्हेगारांकडून खरेदीसाठी आमिष दाखवून फसवणूक

पोलीस ठाण्यापासून हाकेच्या अंतरावर असलेल्या जुगार अड्ड्यावर छापा, ६० जण ताब्यात; एक लाखांची रोकड जप्त

पोलीस असल्याच्या बतावणीने ज्येष्ठ नागरिकांची ७० लाखांची फसवणूक, कारवाईची भीती दाखवून फसवणुकीचे प्रकार वाढीस

पिंपरी : कुरीअरमध्ये ड्रग्ज असल्याचे सांगून फसवणार्‍या राजस्थानच्या टोळीचा पर्दाफाश; पाऊणकोटीचा मुद्देमाल जप्त

नक्षलवाद्यांच्या गड अबुझमाडमध्ये गडचिरोली पोलिसांची पहिल्यांदाच मोठी कारवाई, मृत नक्षल्यांची ओळख पटली

गडचिरोली पोलिसांनी घातपाताचा मोठा कट उधळला, चकमकीत पाच नक्षल्यांना कंठस्नान

हेही वाचा >>>तेजस ठाकरेंचा ‘त्या’ व्हिडीओवरून आशिष शेलारांची टीका; आदित्य ठाकरेंनी दिलं प्रत्युत्तर; म्हणाले…

तपासात याप्रकरणात उडीसा येथील आरोपींचा सहभाग असल्याचे निष्पन्न झाले. त्यानंतर तपास पथक तेथे रवाना झाले. त्यांनी, स्थानिक पोलिसांच्या मदतीने आरोपीला अटक केली. त्यांच्याकडून ११ मोबाइल, वेगवेगळ्या बँकांची ४७ पासबुक, २३ वेगवेगळ्या बँकेचे व खात्याचे चेकबुक, १०४ विविध बँकांचे एटीएम कार्ड, १० मोबाइल सिमकार्ड, १ बँक मॅनेजर स्टॅम्प असा मुदद्देमाल हस्तगत केला. तसेच ६ लाख ९९ हजार रुपयांची रोकड गोठविण्यात आली.