देशातील माता मृत्यूदर २० टक्क्यांनी कमी करण्याचे लक्ष्य, स्त्रीरोग तज्ज्ञांची ‘फॉग्सी’ संघटना करणार जनजागृती

मुंबईमध्ये जिओ वर्ल्ड कन्व्हेन्शन सेंटरमध्ये बुधवारपासून ६७ व्या ‘ऑल इंडिया काँग्रेस ऑफ ऑब्स्टेट्रिक्स ॲण्ड गायनॅकॉलॉजी २०२५’ परिषदेला सुरुवात झाली. परिषदेच्या पहिल्या दिवशी आयोजित परिसंवादात संस्थेच्या डॉ. सुनीता तांदुळवाडकर यांनी महिलांच्या आरोग्यावर भर दिला. यासाठी ‘स्वस्थ जन्म अभियान, ‘नो युवर नंबर्स’ आणि ‘दो टिके जिंदगी के’ या कार्यक्रमांची घोषणा करण्यात आली आहे. सर्वांचे आरोग्य चांगले राहावे यासाठी या कार्यक्रमाच्या माध्यमातून प्रयत्न करण्यात येतील, असे त्यांनी सांगितले. या कार्यक्रमांमधून गर्भधारणापूर्व काळजी घेण्यासाठी महिलांना चालना देण्यासाठी १० लाखांहून अधिक आरोग्य शिबिरे आणि शैक्षणिक मोहीम राबविण्यात येणार आहे. तसेच १० लाखांहून अधिक स्त्रियांचे वजन, रक्तदाब, हिमोग्लोबिनची माहिती संकलित केली जाणार आहे. त्यामुळे मातामृत्यूचे प्रमाण २० टक्क्यांनी कमी करता येईल, असे डॉ. तांदुळवाडकर यांनी सांगितले.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

लाडक्या बहीण योजनेसाठी इतर कोणत्याही विभागाचा निधी वळविण्यात आलेला नाही – मंत्री आदिती तटकरे

वेदनाविरहित वैद्यकीय उपचारासाठी सुई विरहित शॉक सिरिंज; आयआयटी मुंबईचे संशोधन

एकतिसाव्या आठवड्यात गर्भापाताची मागणी उच्च न्यायालयाने फेटाळली

खून करण्यामागे कारण आर्थिक की अनैतिक संबंध? सतीश वाघ खून प्रकरणात पत्नीला पोलीस कोठडी

शिवसेना आमदाराच्या हत्येचा कट ? अंबरनाथचे आमदार डॉ. बालाजी किणीकर यांच्या हत्येचा कटात दोघे अटकेत

कल्याणच्या विशाल गवळीकडे मनोरुग्ण असल्याचे दाखले;  याच आधारावर यापूर्वी जामीन मिळविल्याची माहिती

हेही वाचा…बनावट दागिन्यांच्या बदल्यात खरे दागिने घेऊन महिला पसार

महिलांसाठी वैद्यकीय सुविधा

भारतीय महिलांमध्ये उच्च रक्तदाब, मधुमेह आणि ॲनिमिया यांसारख्या आजारांचा धोका वाढत आहे. जागरुकतेचा अभाव, खराब जीवनशैली यामुळे या समस्या आणखी वाढतात. या आजारांची सुरुवातीची लक्षणे ओळखून वर्षाला १० लाख महिलांना वैद्यकीय सेवा उपलब्ध करण्यात येणार आहे. जेणेकरून त्यांचे आरोग्य सुधारता येईल. गर्भाशयाच्या मुखाच्या कर्करोगापासून महिलांना वाचवण्यासाठी मोहीम राबविण्यात येणार आहे. या मोहिमेद्वारे ५० लाख महिलांना एचपीव्ही लसीकरण करण्याचे उद्दिष्ट ठेवण्यात आले असल्याचेही डॉ. तांदुळवाडकर यांनी सांगितले.

हेही वाचा…भारत नगरमधील बांधकामांवरील कारवाईविरोधात, ठाकरे गटाचे आंदोलन कारवाईदरम्यान गोंधळ

डॉक्टर, अंगणवाडी सेविका आदींची मदत घेणार

‘फॉग्सी’मार्फत राबविण्यात येणाऱ्या मोहिमेसाठी ४६ हजार स्त्रीरोग तज्ज्ञ, आशा सेविका, अंगणवाडी सेविकांसह विविध स्वयंसेवी संस्थांची मदत घेण्यात येणार आहे. रुग्णालयात येणाऱ्या महिलांमध्ये डॉक्टरांमार्फत जनजागृती करण्यात येणार आहे. तसेच घरोघरी पोहचून अंगणवाडी सेविका व आशा सेविका जनजागृतीचे काम करणार आहेत.