स्वारगेट बलात्कारप्रकरणी एसटीचे चार अधिकारी निलंबित

दत्तात्रय गाडे याने स्वारगेट स्थानकात शिवशाही एसटी बसमध्ये एका महिलेवर बलात्कार केल्याचा प्रकार उघडकीस आला होता. त्यानंतर तातडीने २२ सुरक्षा रक्षक बदलण्याचे आदेश देण्यात आले होते. त्याचबरोबर कोणत्या एसटी कर्मचाऱ्यांनी हलगर्जी केली, त्यांची चौकशी करण्याचेही आदेश देण्यात आले होते. या चौकशीचा अहवाल आला असून या प्रकरणात चार एसटी अधिकाऱ्यांवर हलगर्जीचा ठपका ठेवण्यात आला आहे. या अहवालानुसार त्यांना निलंबित करण्यात आल्याचे सरनाईक यांनी आपल्या निवेदनात स्पष्ट केले.